Vikan - 04.06.1970, Page 8

Wiitler bríhiúl
fást í þrem stærðum.
Einnig reiðhjól í öllum stærðum.

Wlr
Sr Spítalastíg 8 — Sími 14661 — Pósthóif 671
Frímerki
Utvegum frímerki frá Stóra-Bretlandi og samveldislöndunum.
Sömuleiðis fyrsta dags umslög.
Látið okkur vita hvers þér óskið og við munum gera okkar bezta.
Ný þjónusta í Bretlandi fyrir frímerki og fyrsta-dags umslög.
Collector Gallery
42 Market Jew St.
Penzance,
Cornwall. Sími PZ 4604
England.

MIG
DREYMDI
Próf og einkunnir
Kæri draumráðandi!
Mig langar að biðja þig um
að ráða fyrir mig eftirfarandi
draum.
Mér fannst ég vera stödd í
herbergi með skólasystrum min-
um, og við vorum að ná í ein-
kunnir okkar; það var núna í
vor. Ein af okkur kom til mín
og sagði að við værum allar
fallnar, og þetta er síðasti vetur-
inn í þessum skóla.
Kennarinn kom inn og lét
okkur fá einkunnabækurnar.
En þegar við fórum að skoða
þær, sá ég að við vorum fjórar
með háar einkunnir. Ég hafði
fengið 8,5, ein fékk 7,35, önnur
7,20 og þriðja fékk 7,15. Svo var
það ein bezta vinkona mín í
bekknum sem hafði fengið 5,0.
Draumur þessi var svo ekki
lengri. Ég vona að hann verði
ráðinn áður en prófin eru búin
(þann 25. maí).
Virðingarfyllst,
G. B.
Vegna prófanna reynum við að
ráða þennan draum í logandi
hvelli. Annars verður það að
segjast því miður, að við getum
ekki ráðið nema lítið brot af
þeim draumum, sem okkur ber-
ast. Við vonum samt, að enginn
hætti við að senda okkur draum
þess vegna. Okkur er sönn
ánægja að fá svo mörg bréf frá
lesendum okkar og halda sem
beztu sambandi við þá. Og við
reynum að gera okkar bezta í
draumráðningunum og ráða þá
sem allra flesta, ef við getum,
þó sumir þurfi kannski að bíða
í nokkuð langan tíma. — Þessi
draumur stafar auðvitað af því,
að þú hugsar stöðugt um próf og
einkunnir dag út og dag inn.
Líklega er draumurinn fyrir því,
að þér gangi prýðilega í prófun-
um og reyndar öllum vinkonum
þínum líka, þér þó langtum
bezt. En bezta vinkona þín verð-
ur mjög óheppin, ekki í öllum
prófunumí heldur í einhverju
einu fagi. Það gerist eitthvað
fjarska óvenjulegt og slysalegt í
sambandi við prófið hennar í
þessari grein. Tæplega getur það
þó haft þau áhrif á aðaleinkunn
hennar, að hún fái ekki nema
fimm.
Hvítklædd kona í
kirkju
Kæri draumráðandi!
Ég ætla að skrifa þér draum,
sem mig dreymdi að mig minn-
ir 9. janúar. Ég er að verða ell-
efu ára. En mér fannst ég vera
14- 15 ára í draumnum.
Hér kemur svo draumurinn:
Ég var stödd í kirkju ásamt
tveimur öðrum stúlkum. Þetta er
kirkja, sem ég hef komið í áður.
Það var trégólf þarna og nokkr-
ir bekkir, sem við röðuðum sam-
an og lágum á. Við sáum ekki
fram í kirkjuna. Svo var það,
þegar við vorum búnar að vera
þarna nokkra stund, að til okk-
ar kom hvítklædd kona. Þessi
kona var móðir stúlknanna, sem
með mér voru. Stúlkurnar urðu
hræddar, því að þær höfðu misst
móður sína fyrir nokkrum ár-
um. Þær þögðu, en ég talaði við
konuna. Hún spurði hvernig
manninum sínum liði. Ég vissi
ekki hver maður hennar var og
spurði hvað hann héti. Hún sagði
mér það (en þegar ég vaknaði
mundi ég ekki nafnið). Hún
sagði mér um leið, að þau hefðu
átt heima á neðstu hæð í húsinu
hjá mér, og þá varð ég hissa.
Við hættum svo samtalinu og
konan hvarf. Við fórum heim og
töluðum ekkert um þetta, sem
gerðist í kirkjunni. Þá sagði ég
mömmu frá því og spurði hana
hvort hún vissi eitthvað um
þetta fólk. Hún svaraði neitandi.
Daginn eftir fórum við aftur
í kirkjuna, lágum þar nokkra
stund og þá kom konan aftur.
Þegar hún þurfti að fara, sagði
hún, að hún ætlaði að taka yngri
stúlkuna með sér, því að hin
gæti séð fyrir sér sjálf. í sama
bili og hún var að hverfa, þá
kallaði ég á eftir henni hvort ég
hefði ekki mátt segja mömmu
frá þessu. En konan anzaði ekki,
og hvarf með stúlkuna.
Lengri varð draumurinn ekki.
E. Á. A.
Yfirleitt er það fyrir einhverju
slæmu að dreyma kirkju, og það
sama er að segja um látið fólk.
Því vil ég ráða draum þinn
þannig að innan skamms lendir
vinkona þín, sú yngri, í eln-
hverjum alvarlegum vadræðum,
verður jafnvel alvarlega veik, og
er það að nokkru leyti undir þér
komið hvernig hún kemst frá
því. Það sem bendir til þess, þó
ekki svo að hægt sé áð fullyrða
nokkuð, að allt fari giftusam-
lega á endanum, er hvíti klæðn-
aðurinn sem móðir stúlknanna
var í. Annars er draumurinn
heldur óljós og erfitt að segja
mikið til um þetta, en hefðir þú
munað nafnið á manninum hefði
málið liorft öðruvísi við.
8 VIKAN 23-tbl-