Vikan - 15.04.1976, Blaðsíða 26

— Eru einhverjar pólitískar hömlur á
listrænni starfsemi?
— Nei, þetta er allt mjög frjálslegt, og ég
hef ekki orðið vör við það í leikhúsinu á
Kúbu, að við þyrftum að gera einhver skil
gagnvart einum eða neinum á því, sem við
erum að gera þar.
— Hvað er efst á baugi í leikhúsheiminum
á Kúbu núna?
— Ég held það langskemmtilegasta, sem er
að gerast í leikhúslífi á Kúbu eins og er, sé
það sem er að þróast úti í sveitum og á ýmsum
vinnustöðum — til dæmis við höfnina í Hav-
ana. Atvinnuleikhúsmenn hafa tekið sig upp,
farið upp til sveita og á vinnustaði og stofnað
leikhópa með fólkinu, sem starfar þar. Þetta
hefur tekist með afbrigðum vel til fjalla,
þar sem bændurnir hafa undanfarið verið að
flytja úr strákofunum með moldargólfunum
Ég held það séu svo til engin sovésk menn-
ingaráhrif á Kúbu, segir ingibjörg, hér á mynd
með Viktor Strizkov, en hún aðstoðaði hann
við leikstjórn Náttbólsins i Þjóðleikhúsinu.
í ný hús í litlum bæjum og þorpum, kannski
þriggja hæða blokkir. Þetta er óskapleg röskun
á lífi fólksins, og það verður alveg ruglað
að fara allt í einu að búa við svona ólík skil-
yrði, þurfa að taka tillit til nágrannanna og
þess háttar.
— Hefur þetta ekki óskaplega vandamál í
för með sér?
— Jú, nokkur. Til dæmis um það má nefna,
að þarna grasséruðu Vottar Jehóva og reyndu
að fá fólkið upp á móti þessum breytingum,
vildu fá það til að vera áfram í moldarkofunum
og unnu þannig gegn byltingunni. Þar var það,
sem leikhúsið kom til hjálpar. Nokkrir leikarar
tóku sig saman og fóru að kynna sér, hvað
væri að gerast í svona þorpi, og sömdu
síðan um það leikrit. Smátt og smátt fengu
þeir fólkið með í þetta sem beina þátttakendur
— leikara. Þessi starfsemi hefur gengið mjög
vel, enda hafa kúbanir mjög gaman af að tjá
sig og segja, hvað þeim býr í brjósti.
Leikhús af þessu tagi eru komin á laggirnar
ákaflega víða og hafa hjálpað fólkinu að að-
lagast þessum breytingum. Þetta er upphaf
mjög spennandi menningarlífs fyrir þetta fólk,
sem hafði aldrei svo mikið sem séð kvikmynd
áður, aldrei komið í leikhús og aldrei séð
málverk, og var ólæst fram til 1961, þegar
ólæsi var útrýmt á einu ári.
— Heldurðu, að eitthvað þessu líkt gæti
gerst hér?
— Ég vil ekkert um það segja. Kannski
væri það hægt, en mér finnst reyndar alltaf
vanta peninga til alls hér, þegar eitthvað á að
fara að gera fyrir menninguna. Annars er ég
steinhætt að bera lífið hér saman við lífið á
Kúbu. Þetta er svo gersamlega ólíkt, að ég lít
á það eins og tvo heima.
— í fyrra kom út eftir þig Ijóðabókin
Þangað vil ég fljúga, og í Ijóðunum í henni
þóttust margir lesa heimþrá. Langar þig heim,
þegar þú ert á Kúbu?
— Já, mig langar oft heim, og mér finnst
ég alltaf eiga heima á íslandi, hversu gott sem
er að vera annars staðar.
Tról.
UR EIK
TEAK OC PALESANDER
ÓDÝRT OG
HAGKWMT
Húsgagnaverslun <>
Reykjavíkur hf.
BRAUTARHOLTI 2 SÍMI 11940
'""......... ' \
FERMINGARÚR.
Skoðið eitt glæsilegasta úrval borgarinnar af úrum.
— Fullkominn viðgerðarþjónusta. — Sendi í póstkröfu.
Garðar Ólafsson úrsmiður
LÆKJARTORGI - SÍMI 10081.
X
26 VIKAN 16. TBL. ■