Vikan - 05.02.1981, Blaðsíða 9

Utvarp
Þegar best lætur er hægt að ná kvöld-
fréttunum á venjulegt ferðaútvarp i
Evrópu, en svo koma slæmir tímar og þá
heyrist illa, ýmist vegna slæmra hlust-
unarskilyrða eða truflana, eða hvort
tveggja.
Úrbætur eru ýmsu háðar, svo sem
endurbótum á búnaði (betra viðtæki og
loftnet), betri sendibúnaði. hreinni
útsendingartíðni, en þar erum við ekki
einráðir og eigum undir Alþjóðafjar-
skiptastofnunina að sækja. Tíðnis-
ákvarðanir á stuttbylgju eru nefnilega
ekkert einkamál hvers lands fyrir sig. Ef
svo væri mundi vera algjört öngþveiti á
öllum stuttbylgjusviðum og truflanir
mun fleiri en þær eru nú.
Þeir í Gufunesi fá iðulega bréf frá
áhugahlusturunum, rétt eins og Ríkis-
útvarpið. Þeir hafa fengið bréf alla leið
frá Japan og Ástralíu svo eitthvað sé
nefnt. Allar upplýsingar um styrk
útsendingar koma að einhverju gagni og
þær auðvitað mest sem eru af þeim
slóðum sem mest áhersla er lögð á að ná
til.
Til margra hluta nytsamlegur
Sendirinn á Rjúpnahæð er til margra
hluta nytsamlegur utan þess hálfa
annars klukkutíma sem útvarps-
dagskráin fer um hann á kvöldin.
Þetta er dýrt tæki og verður að nýta
það sem allra best. Það er líka gert.
Sendirinn er notaður til samtalaþjónustu
við skipin og um hann eru veðurkort
einnig send.
Stjórnstöðin er í Gufunesi og þaðan
liggja línur upp á Rjúpnahæð i sendinn.
Sendirinn hefur sér bylgju, fyrir stutt-
bylgjuútvarpið, sem ekki er notuð fyrir
samtöl.
Eftir að hafa skoðað tækjabúnaðinn í
Gufunesi hafði Stefán samband við
Rjúpnahæð til að boða komu okkar til
að mynda sendinn . . . og hann notaði
símann til þess. Það er sjálfsagt mest um
vert að velja alltaf bestu aðferð til að ná
sambandi við umheiminn . .. miðað við
aðstæður.
Er einhver afi hlusta?
Háloftin voru ósköp meinleysisleg að
sjá þegar gengið var út úr lágreista
húsinu í Gufunesi þar sem öll þessi fjar-
skipti fara fram. Ekki sást tangur né
tetur til alls þess sem þar flaug um loftin.
Einu sýnilegu ummerkin um þá víðtæku
starfsemi sem þar fer fram eru nokkur
möstur og línur sem liggja til ýmissa
átta.
En margt lá í loftinu, það vissum við
vel, eins og best sannast á bréfunum sem
halda áfram að berast þeim i Gufunesi
og I Útvarpi Reykjavík við Skúlagötuna.
1 fjarlægum heimshornum er vísast
einhver að hlusta á undarlega íslensku á
þessari stundu, eða er klukkan þín ekki
að verða hálfátta að kvöldi? 1 ■
Morgon
tsaiome
Ný vasabrotsbók frá Prenthúsinu á
næsta blaðsölustað
6. tbl. Vikan 9
MORGAN KANE