Vikan - 05.06.1986, Blaðsíða 24

EFTIR SIGURÐ HREIÐAR
r eitthvað eftir af gömlu höfðingj
unum - bílunum sem breska og
bandaríska setuliðið skildi eftir hér á
landi að lokinni heimsstyrjöldinni síð-
ari - og ef svo er, í hvaða ástandi eru
þeir? Hefur einhverjum þeirra verið
haldið við og sýndur sá sómi sem
þeir eiga skilið? Hvar eru þeir bíl-
Eru einhvers staðar til heillegir
bílar eða bílhlutar af þessari kynslóð
bíla, sem gætu verið uppistaða fyrir
þann sem vildi leggja í það vinnu og fé
að búa til fornbíl af þessu tagi?
Þetta eru í hnotskurn þær spurn-
ingar sem varpað var fram í 7. tölublaði
Vikunnar nú í vetur, þar sem rifjað var
upp eitt og annað um setuliðsbílana
gömlu - bílana sem raunverulega gjör-
breyttu bílasögu Islendinga. Að hluta
til var þessu fylgt eftir í 9. tölublaði,
þar sem fjallað var um 30 ára afmæli
„Soffíanna”.
Ekki þarf að kvarta undan því að
engin viðbrögð hafi verið sýnd. Mér
hefur verið bent á bíla og bílaleifar hér
og þar. Sumt hefur reynst á misskiln-
ingi byggt, annars staðar erum við of
seint á ferðinni (minjunum hefur verið
eytt), sumt á ég eftir að kanna betur -
og loks, sem betur fer, hefur sumt borið
góðan árangur.
Eitt það gleðilegasta er, að mínu viti,
að ég veit núna um heilan bíl af gerð-
inni Bedford QS (háfeta), annan af
Bedford GS (þið vitið, þessum hálffram-
byggðu með þvera nefið), hef sannspurt
14 VIKAN 23. TBL
að verið sé að safna saman hlutum úr
Dodge 'A tonn Command Reconnaiss-
ance Car („karíól”) með það fyrir
augum að raða honum saman upp á
nýtt - auk upplýsinga um bílhluta af
ýmsu tagi hér og þar.
Það sem mestu máli skiptir þó, að
mínu viti, er að æ fleiri virðast vera
farnir að gera sér ljóst að lasin bílflök,
sem þeir eiga í túnfætinum eða bak við
(sumir inni í) skúr, eru ekki fjármuna-
leg verðmæti fyrr en búið er að leggja
fé og vinnu í að gera þá upp. Hins veg-
ar eru þetta minjaverðmæti sem snerta
okkur öll og það er siðferðilega rangt
að henda þeim í tiltektaræði eða halda
þeim rándýrum fyrir þeim sem hug og
dug hafa til að endurskapa þá til síns
fyrri vegar og gera þá að þeim minjum
sem íslandssagan á skilið.
Enn er ítrekuð sú fyrri ósk að þeir
sem vita um minjar af þessu tagi láti
vita um þær. Ekki væri verra að mynd
fylgdi. Eins eru vel þegnar myndir af
þessum gömlu höfðingjum eins og þeir
voru í fullu fjöri, en það er líka þáttur
í því að varðveita minningu þeirra.
Sendið okkur línu með utanáskriftinni:
VIKAN - BÍLAR,
PÓSTHÓLF 5380,
121 REYKJAVÍK.
Hér verður reynt að gera grein fyrir
nokkrum gömlum höfðingjum og nú
látum við myndirnar tala: