Vikan - 05.06.1986, Page 44

1 skeifulagað franskbrauð
1 camembert-ostur
5 sneiðar beikon
1 bolli rifinn ostur
rifsberjasulta
Toppurinn skorinn ofan af brauðinu og
nokkuð af brauðinu fjarlægt úr skorpunni.
Camembertinn hitaður og settur í brauðið.
Beikonið bitað og hitað aðeins á pönnu, síðan
raðað yfir camembertbitana. Rifnum osti stráð
yfir. Bakað í 10 mínútur (eða þar til osturinn
er bráðinn) í 200° heitum ofni. Rifsberjasulta
borin með ef vill.
Þessi uppskrift kemur frá Önnu Sveinsdóttur
og varð til þegar ekkert var til þegar gestir
komu óvænt og notast varð við það sem fannst
í ísskápnum.
UMSJÓN: BRYNDÍS
KRISTJÁNSDÓTT/R
LJÓSMYND: RAGNAR TH.
1 heildós perur
2 bollar haframjöl
1 bolli sykur
/x bolli hveiti
100 g smjörlíki
Ofnfast mót er smurt og safinn látinn síga
af perunum. Perurnar síðan skornar í bita og
settar á botninn á mótinu. Þurrefnunum bland-
að vel saman, síðan er smjörlíkið mulið vel
saman við. Blöndunni er síðan stráð yfir per-
urnar og lok sett yfir. Bakað í 200° heitum ofni
í 1 klst. Kanil og múskati stráð yfir og borið
fram beint úr ofninum. Vanilluís eða þeyttur
rjómi hafður með.
Uppskrift þessi kemur frá Önnu Sveinsdóttur
og varð til með þeim hætti að eitt sinn er gesti
bar að garði var ekkert til með kaffinu. Anna
leitaði í skápunum hjá sér og átti til það sem
þurfti í pæið. Tilraunin tókst svo vel að perupæ-
ið er fastur liður í öllum boðum hjá Önnu.