Vikan - 01.01.1987, Page 20

E L D H Ú S
Á
Rósa Gísladóttir og eiginmaður hennar, Reynir Þorgrímsson, ásamt yngsta barni þeirra hjóna.
Gestur í Viku-eldhúsinu: Rósa Gísladóttir húsmóðir
Ýsuflök fyllt með camembertosti
Rósa Gísladóttir er húsmóðir í Kópavogi
og hefur eldað margar máltíðirnar í gegnum
tíðina fyrir fjölskyldu og gesti. Við báðum
Rósu um að vera gestur okkar þessa vikuna
og brást hún vel við þeirri beiðni. Eins og
fleiri gestir í eldhúsinu okkar reiðir Rósa fram
uppskrift að rétti sem er í uppáhaldi hjá heim-
ilisfólkinu. Við getum staðfest að Ijúffengur
er ýsurétturinn í munn og maga kominn.
Ýsurcttur Rósu:
Ýsuflök
sitrónusafi
hveiti
salt
pipar
egg
rasp
bearnaisesósa
rifinn ostur
Ýsuflökin roðflett, barin létt og skorin í
hæfilega stór stykki.
Sítrónusafi er kreistur yfir fiskinn. Sneið
af camembertosti sett á hvert fiskstykki, sem
er svo lagt saman og lokað. Fiskstykkjunum
velt upp úr hveiti, krydduðu með salti og pip-
ar, og síðan velt upp úr pískuðu eggi og síðast
brauðraspi.
Fiskurinn steiktur á pönnu í mikilli feiti eða
djúpsteiktur.
Bearnaisesósa löguð. Fiskstykkin látin í eld-
fast fat, sósunni hellt yfir og að síðustu er
rifinn ostur látinn yfir.
Fiskurinn bakaður í ofni þar til osturinn
er bráðnaður. Camembertýsan er borin fram
með hrásalati og soðnum kartöflum.
20 VIKAN 1. TBL