Vikan - 17.09.1987, Qupperneq 20

Vikan — eldhús
kínverska
Kínversk matargerð nýtur mikilla vinsælda
um allan hinn vestræna heim og ekki að
ástæðulausu. Venjulega er kínverskur matur
mildur, bragðgóður og fremur einfaldur að
gerð. Ekki er hér ætlunin að reyna að kenna
kínverskar matargerðarkúnstir en ákveðna
þætti matreiðslunnar má tileinka sér með lít-
illi fyrirhöfn. Kínverskur matur er gjarnan
léttsteiktur en þannig matreiðsla á einkar vel
við grænmeti. Þar sem uppskera af íslensku
grænmeti var almennt í besta lagi fylgja hér
uppskriftir að tveimur réttum. Þeir eru hér
eldaðir í kínverskum Wok-potti sem er ómiss-
andi hverjum sem í alvöru ætlar að fást við
matseld upp á kínversku, en góð panna ætti
alveg að duga í þetta skipti.
Rækjur og grænmeti með bragðgóðri sósu
100 g rækjur
1 bolli hvítkál, skorið í ræmur
1 bolli blómkál
1 bolli spergilkál (broccolij
2 gulrætur
Hægt er að nota hvaða grænmeti sem er í
þennan rétt en við látum þetta duga. Hitið
um hálfan bolla af matarolíu (sólblóma- eða
hnetuolíu, ekki ólífuolíu) í Wok-potti eða á
pönnu við meðalhita. Steikið fyrst gulrætur í
nokkrar mínútur. Bætið síðan út í blómkáli
og spergilkáli og steikið í nokkrar mínútur í
viðbót, loks hvítkálinu og síðast rækjunum.
Snúið grænmetinu stöðugt með spaða. Búið
á meðan til sósu.
'A bolli sojasósa
'A bolli ósætur ananassafi
1 tsk. engiferduft eða rifin engiferrót
(sem er enn betra)
2 tsk. kartöflumjöl
Hrærið öllu þessu saman. Búið til holu í
miðjuna á pottinum og hellið sósunni þar.
Látið suðuna koma upp. Hrærið vel í með
gaffli. Þegar suðan er komin upp og sósan
farin að þykkna er grænmetinu hrært saman
við og rétturinn er tilbúinn. Þessi réttur er
fyllilega nægileg máltíð en ef vill má borða
hrísgrjón með honum.
Chop suey
400 g magurt svínakjöt, helst lundir
eða snitsel
3^1 stórir laukar
'A kínakálshöfuð eða 'A hvitkálshöfuð
2 selleríleggir
2 gulrætur
250 g baunaspírur
3^4 msk. olía
5 msk. sojasósa
um A 1 kjötsoð
Leggið kjötið í frysti í 1-2 klukkustundir
og skerið það hálffrosið í þunnar sneiðar.
Skerið grænmetið sömuleiðis í þunnar sneið-
ar. Brúnið kjötið. Takið það af pönnunni og
brúnið laukinn, selleríið og gulræturnar. Setj-
ið kjötið aftur á pönnuna og hellið yfir það
sojasósu og kjötsoði. Látið þetta malla í 10—15
mínútur. Skolið baunaspírurnar og hreinsið.
Setjið þær saman við réttinn og látið aðeins
hitna. Berið fram hrísgrjón með réttinum.
Umsjón: Þórey Einarsdóttir
20 VIKAN 38. TBL