Vikan - 17.09.1987, Qupperneq 56

SPÁIN GILDIR FYRIR VIKUNA 20.-26. SEPTEMBER
HRÚTURINN 21. mars-20. apríl Þú átt ýmissa kosta völ og ekki gefið að sá girnilegasti sé vænlegastur til lengri tíma litið. Flanaðu ekki að neinu, ef þú leggur málin niður fyrir þér og vegur og metur kosti og galla blasir skynsamlegasta leiðin við þér fyrr en varir. VOGIN 24. sept.-23. okt. Nú skaltu láta til skarar skríða með það sem hefur verið að bögglast fyrir þér. Það verður ekki fyrirhafnarlaust að koma skriði á málin en allt er betra en að láta óánægjuna magnast. Vandaðu orðavalið ef þú þarft að telja aðra á þitt mál.

NAUTIÐ 21.apr0-21.mai Ekki verður bæði sleppt og haldið. Þú finnur hjá þér hvöt til að breyta til en ættir ekki að halda út í óvissu að sinni. Þú veist hvað þú hefur en ekki hvað þú hreppir. Þó sakar ekki að hafa augun hjá sér, möguleikarnir eru fleiri en þig grunar. SPORÐDREKINN 24. okt.-23. nóv. Þig dauðlangar að láta eftir þér að slá öllu upp í kæruleysi og sletta ærlega úr klaufunum. Kannski áttu það skilið en gættu þess þó að hafa ekki of marga enda lausa. Það er erfitt að taka til við þau verk að nýju sem illa hefur verið skilið við.

TVÍBURARNIR 22.maí-21.júní Kannski finnst þér of tilbreytingarlítið að hafa daglegt líf í föstum skorðum. Ætlirðu í alvöru að láta verða af því sem þú hefur stefnt að ættirðu þó að verða þér úti um fleiri fasta punkta í tilverunni, annars lendir allt á ringulreið hjá þér. BOGMAÐURINN 24. nóv.-21. des. Þú verður upptekinn af aðkallandi persónulegum málefnum og ekki líklegt að annað komist með góðu móti að. Þessu þarf vissulega að sinna en hætt er við að þú sjáir ekki skóginn fyrir trjánum ef þú sökkvir þér að vild niður í einkamálin.

KRABBINN 22. júní-23. júlí Það þýðir ekkert að tvístíga endalaust. Þú gloprar öllu út úr höndunum á þér með því að slá í sífellu úr og í og geta aldrei ákveðið neitt. Takirðu ekki á þig rögg skaltu að minnsta kosti ekki kvarta yfir að hafa ekki fengið tækifæri. STEINGEITIN 22.des.-20.jan. Um þig blása vindar úr ýmsum áttum og ef til vill gustar all- hressilega. Sumir mundu taka nærri sér ýmislegt sem þú lítur á sem tilbreytingu og hefur einungis gaman af. Fyrir alla muni láttu engan draga úr þér kjarkinn eða spilla lífsgleði þinni.

LJÓNIÐ 24. júlí-23. ágúst Farðu vel með þig og hugaðu að heilsufari þínu. Þú græðir ekkert á því að ofbjóða þér með óhóflegri vinnu eða óhollum lifnaðarháttum. Heilsan er dýrmætari en stundarávinningur sem, ef að líkum lætur, fer fljótlega í súginn. VATNSBERINN 21.jan.-19.febr. Fjármálin þarfnast athugunar og ekki seinna vænna að að- hafast eitthvað. Það gengur ekki fyrirhafnarlaust og þótt þér leiðist slíkt stúss máttu þakka fyrir að það dreifir huganum frá annars konar vonbrigðum sem þú hefur nýlega orðið fyrir.

MEYJAN 24. ágúst-23. sept. Gættu pyngjunnar, freistingarnar eru margar og ekki allt bráð- nauðsynlegt sem hugurinn girnist. Þú efast um réttmæti ákvörðunar sem þú hefur nýverið tekið og ættir að endurskoða forsendurnar til að komast að raunhæfri niðurstöðu. FISKARNIR 20. febr.-20. mars Flýttu fyrir þér eftir föngum og gættu þess að hafa rúman tíma til að mæta óvæntum atburðum. Taktu óvenjulegum uppátækj- um með jafnaðargeði. Þau eru ekki illa meint og synd að spilla saklausri gleði hjá þeim sem í hlut eiga.
56 VI K A N 38. TBL