Vikan - 19.11.1987, Qupperneq 31

LÉLEGASTA VEGAKERFIEVRÓPU
Gunnlaugur
Rögnvaldsson
skrifar
Þrátt fyrir að smábílar séu hannaðir með
allar hugsanlegar aðstæður í huga, var
ekki við því að búast að hönnuðumir
tækju með í reikninginn íslenska vega-
kerflð.
Smábílamir sem við fjöllum um henta
margir hverjir illa á hið sérstæða ís-
lenska vegakerfl, sem tvímælalaust get-
ur talist það lélegasta í Evrópu. Að vísu
reyna bílaframleiðendur að miða bíl-
ana við allar hugsanlegar aðstæður,
þegar þeir hanna bíla, en varla geta
þeir gert sér íslenskar aðstæður í
hugarlund.
Smábílarnir eru enda margir hverjir hugs-
aðir sem borgarbílar fyrst og fremst þó
notkunarsviðið sé víðara. En íslenska vega-
kerfið fer illa með bílana. Miðað við það
sem gengur og gerist í Evrópu, þá er við-
haldskostnaður bíla 35% hærri hérlendis,
sem rekja má beint til ástands íslenskra
vega, bensíneyðsla er 17% meiri á malar-
vegum en á vegum með bundnu slitlagi.
Lítið er gert til a bæta ástandið. Ríkið tók
inn 8V2 milljarð króna í tekjur í fyrra úr
höndum bíleigenda í formi ýmiss konar
gjalda. Aðeins 2,2 milljarðar runnu aftur í
viðhald á vegum landsins, þ.e. um 25%.
Árið 1985 var samþykkt þingsályktunartil-
laga þess efhis að 2,2% af vergum þjóðar-
tekjum yrði varið til viðhalds á vegum
næstu árin. Árið 1985 var 1,82% af þjóðar-
tekjum varið til viðhalds vega, næsta ár
1,57% ogíáraðeins 1,4% (tölur FÍB). Efhd-
ir þingheims hafa því verið litlar í þessum
efnum.
Vegir landsins eru samtals 11.569 km og
aðeins 14% þeirra hafa bundið slitlag sem
yfirborð. Svipað hlutfall er helst að finna í
Afríku, þar sem frumstæðir þjóðflokkar búa
og þekkja lítið til bíla. Veðurfarið hjálpar
líka til við að gera malarvegina illfæra og
vindar feykja mölinni oft á brott. Því eru
vegir of saltaðir á sumrin, sem er tæpast til
bóta. Búfénaður leitar á vegina, í saltið, og
skapar hættu. í rigningu verður saltaður
malarvegur mun hálli en ella, en verst er að
saltið hefur slæm áhrif á bílana, sem tærast
af völdum þess.
Allt þetta þurfa stórir bílar sem smáir að
standast og íslenskir ökumenn að sætta sig
við. Þróunin í bílamálum fslendinga hefhr
verið hröð og kominn tími til að vegakerfið
þróist með. Löngu kominn tími... - GR
SONAX
AufoPolíer
LAFSSON h/f heildverslun Borgartúni 33, sími 24440.