Vikan - 06.02.1992, Page 4
TEXTI: JÓHANN GUÐNI REYNISSON / LJÓSM.: INGI ST. AGNARSSON
TVÍBURASYSTURNAR Á FORSÍÐUNNI:
EKKERT MJÖG LÍKAR
- SEGIR ÖNNUR
Onnur þeirra heitir
Björg en er kölluð
Bína. Hin heitir Auð-
ur og er kölluð Auður. Björg
heitir reyndar Björg Jakobína
þannig að gælunafnið verður
að teljast eðlilegt. Þær þykja
nokkuð líkar yfirlitum enda
festu þær sínar fyrstu rætur í
sama egginu, eru eineggja
tvíburar.
Þær eru ekki alls óvanar
fyrirsætustörfum þó ekki teljist
þær víðförlar á því sviði enda
kornungar og með bjarta
framtíð fyrir höndum. Auður
hefur til að mynda setið fyrir á
Ijósmyndum fyrir tískuþátt Vik-
unnar og báðar sátu þær fyrir
á myndum fyrir hárgreiðslu-
tímaritið Hár og fegurð. Þegar
Vikan hafði símasamband við
heimili þeirra svaraði Bína og
sagði Auði í útlöndum en féllst
á að tala fyrir hönd þeirra
beggja. Fram kom að þær úti-
loka ekki frekari fyrirsætustörf,
ráðast verði hverjar undirtektir
myndir af þeim hljóti en fyrir-
staðan mýkist til muna ef háar
fjárhæðir eru í boði. Annars
sinna þær námi sínu og
störfum, Bína námi en Auður
störfum.
Bína er á þriðja ári í Iðn-
skólanum þar sem hún leggur
stund á fataiðn en þá iðngrein
leggja þeir fyrir sig sem hyggj-
ast annað tveggja gerast
klæðskerar eða kjólameistar-
ar. Hvorugt hefur hún valið
þegar samtal þetta er blaðfest
en hún mun þó þurfa að vera
búin að ákveða sig á sfðari
hluta fjórða árs, þegar námið
greinist í ofangreind sérsvið
fataiðnarinnar. Hún segist ekki
hafa saumaö neitt óhóflega í
æsku en því stærri skerf hlutu
prjónarnir í höndum hennar frá
tólf til sextán ára aldurs.
Björg
Jakobína
og Auður
eru eineggja
tvíburar.
Á myndinni
eru taliö frá
vinstri: Bína
- Auöur,
eöa var þaö
öfugt?
Reyndar mun lítið vera um
frístundir til slíkra starfa utan
skólatíma enda er vikan þétt-
riðin kennslustundum, fjörutíu
og átta, nánar tiltekið.
Auður er snyrtifræöingur að
mennt, útskrifuð fyrir tveimur
árum frá Fjölbrautaskólanum í
Breiðholti. Nú notar hún
menntun sína á snyrtistofunni
Maju og líkar að sögn starf sitt
með miklum ágætum. Við
þetta má síðan bæta að Auður
lék í kvikmyndinni Inga Ló á
grænum sjó sem frumsýnd
verður þann 8. febrúar næst-
komandi. Hlutverk hennar i
myndinni mun vera fegurðar-
drottning Krapafjarðar, Lára
Hermannsdóttir.
ERTU MEÐ SKILRÍKI?
Þær segjast allsendis vera
ólíkar og það greini þeir sem
þær þekki. Hins vegar munu
þeir sem ókunnugir eru þeim
systrum eiga í miklum erfið-
leikum með greininguna og
þykir víst undarlegar undirtekt-
ir oft á tíðum við kveðjum þeg-
ar þeir þekkja aðra en vita ekki
af hinni. Til dæmis þurfti Björg
Jakobína eitt sinn að sýna
kunningjakonu systur sinnar
skilríki til að hún sannfærðist
um að Bína færi með rétt mál.
Þannig var að hún var stödd í
apóteki að sækja meðul fyrir
systur sína, Auði. Meðan hún
beið eftir að fá lyfin afgreidd
kom kona að máli við hana,
Bínu, sem hún hélt vera hina
systurina, Auði. Bína þrætti,
sagðist heita Bína en ekki
Auður og var í töluverðum erf-
iðleikum. Síðan var kallað:
Auður Þráinsdóttir! og Bína
stökk vandræðalega af stað
en sýndi kunningjakonu systur
sinnar, Auðar, skilríki sín,
Bjargar Jakobínu Þráinsdótt-
ur, og slapp með það.
Hvað framtíðina varðar og
fyrirsætustörfin er ýmislegt
óráðið en Bína hyggst þó
stunda nám einhvers staðar
utan landsteinanna að iðn-
námi loknu. Hún útilokar þó
ekki að vel geti komið til greina
að þær systur eigi eftir að sitja
fyrir framan myndavélarnar
áfram enda þykir þeim starfið
alls ekki leiðinlegt, svo fremi
að hráslagi og kuldi séu ekki
að gera þeim lífið leitt. □