Vikan - 16.04.1992, Side 15

hún öðruvísi og hún verður bæld og
feimin. Hún er sú sem situr þögul í
veislujaðrinum með eitthvað dularfullt í
útgeisluninni. Hún er hrifin af síðum
kjólum og síðu hári - eða knallstuttri
klippingu og svörtum augnblýanti.
Heima hjá henni eru búddastyttur og
púðar á gólfum í stað sófa.
Persefóna er sérstök: hún er i tengsl-
um við undirmeðvitundina, við það sem
ekki er hægt að útskýra og hún hefur
sjötta skilningarvitið, stundum er hún
skyggn. Ekkert mannlegt er Persefónu
óviðkomandi. Hvað hana áhrærir eru
ást og kynlíf leiðir til að renna saman
við félagann í yfirnáttúrlegri samein-
ingu. Hann verður að taka á henni með
silkihönskum og má aldrei spyrja „hvað
hún eigi við“. Hin ofurnæma Persefóna
forðast deilur og styggðarorð. Uppgjör
og rifrildi gera það að verkum að hún
lokar sér eins og aða. Hún á allt of auð-
velt með að finnast hún misskilið fórnar-
lamb og ímynda sér að enginn annar
skilji neitt um æðri gildi lífsins. Svolítið
fleiri hagnýtar lausnir frá Demeter og
heilbrigð eigingirni frá Aþenu gefa henni
raunveruleikatengsl. Þá getur Persef-
óna orðið verulega vitur.
- hin góða móðir
Demeter er persónugervingur þess
móðurlega. í grísku goðsögninni er hún
móðir Persefónu, Itaiir nefndu hana
Ceres og hún var gyðja frjósemi og
gróðurs. Öll ræktun tilheyrir Demeter.
Hún stendur róleg í eldhúsinu með
hálfa tylft óhreinna unga f pilsunum, er
alltaf nýbúin að baka, með pottrétt á
hlóðum og fær allar visnar jurtir til að
blómstra. Andstætt við Heru, sem lítur á
móðurhlutverkið sem hluta af einvalds-
drottnun sinni, er það hin móðurlega
eðlisávísun sem er tilgangur lífsins
hvað Demeter varðar.
Það er vel hægt að vera Demeter án
þess að vera líffræðileg móðir. Þá
breiðist hennar væna hlýja eins og
verndandi regnhlíf yfir starfsfélaga og
vini, ekki síst yfir veðurbarða menn sem
þurfa á að halda „mömmu" sem alltaf er
heima! Demeter hefur alltaf tíma, Dem-
eter gefur einlægt góð ráð, veit ávallt
hvern á að hafa samband við, er alltaf
með uppbúið rúm fyrir gesti.
í atvinnulífinu er hún oft yfirmaöur í
millistjórn og félagsleg vellíðan skiptir
hana miklu meira máli en árangur. Kyn-
líf hennar er opið og vandamálalaust.
Æðsti tilgangur ástarlífsins er að geta
börn, finnst henni. Ef hún er mömmuleg
við manninn sinn líka og kallar hann
pabba, eins og hún gerir oft, ætti hún
ekki að verða undrandi þó hann flýi
heimilið æ oftar. Og skilnaður er það
versta sem hent getur Demeter. Önnur
áhætta er sú að hún kunni aðeins að
meta hið hagnýta og áþreifanlega og
veifi öllu ööru á brott sem ónauðsyn-
legu. Að rækta sjálfa sig öðru hverju
eins og Aþena og fá sér falleg föt eins
og Afródíta gerir hana ennþá meira gef-
andi og eftirsótta.