Vikan - 16.04.1992, Síða 85

RAGNHEIÐUR
ERLA HJALTA-
DÓTTIR
Ragnheiður Erla Hjaltadóttir er
Reykvíkingur í húð og hár. Hún
hefur búið í Breiðholtinu næstum
alla tíð. Hún er nítján ára gömul,
fædd 14. september 1972 og er
því í meyjarmerkinu.
Nú í vor útskrifast Ragnheiður
Erla af félagsfræðibraut Kvenna-
skólans í Reykjavík og er þessa
dagana að gera upp við sig hvort
hún á að taka sér eins árs frí eða
setjast í Háskólann í haust og
læra sálfræði. Með skólanum
vinnur hún aðra hverja helgi á
veitingastaðnum Mongolian
Barbecue. Síðasta sumar vann
hún við mælingar hjá Vegagerð
rikisins og er búin að ráða sig þar
aftur í sumar. Hún sleppir samt
ekki vinnunni á veitingastaðnum
því henni finnst gott að hafa mikið
að gera. Þar fyrir utan hefur hún
starfað sem sýningarstúlka með
lcelandic Models og hefur gaman
af því.
Ef einhverjar frístundir gefast
vill hún helst eyða þeim við lestur
um sálfræði eða stunda útivist og
ferðast. Hún hefur æft djass-
ballett og lært á píanó en er hætt
því núna. Ragnheiður er líka mik-
ill dýravinur og segir heimili sitt
löngum hafa verið hálfgerðan
dýragarð. Faðir hennar deilir
þessu áhugamáli með henni og
þau hafa átt fjölda dýra. Sem
stendur eiga þau þó aðeins einn
kött.
Ragnheiður Erla hefur víða
farið. Hún segist ekki hafa séð
nóg af eigin landi en hefur komið
til Hollands, Þýskalands, Ítalíu,
Spánar, Englands, Skotlands,
Mexíkó og Bandarikjanna, þar
sem hún hefur gert víðreist með
vini sínum sem á ættir að rekja
þangaö. Þar gæti hún jafnvel
hugsað sér að setjast að um
tíma. Af þeim löndum sem hún
hefur ekki heimsótt enn langar
hana mest að koma til
Frakklands.
Ragnheiður segist vera ævin-
týramanneskja og hana langar til
að gera sem mest á sem stystum
tíma. Að loknu sálfræðinámi vill
hún jafnvel starfa erlendis og
reyna eitthvað nýtt. Hún er ákveð-
in í að eignast fjölskyldu en vill
koma undir sig fótunum áður en
það verður. Foreldrar hennar eru
Gunnhildur Kristinsdóttir og Hjalti
Einarsson og er hún einkabarn
þeirra.
Ragnheiður Erla er 170 sm á
hæð, Ijóshærð og meö blágræn
augu.
HANNA VALDÍS
GARÐARSDÓTTIR
Fegurðardrottning Suðurlands er
Hanna Valdís Garðarsdóttir.
Hanna Valdís er nítján ára, fædd
25. janúar 1973 og er því í vatns-
beramerkinu.
Hanna býr á Hellu og er fædd
þar og uppalin. Daglega fer hún
með rútu til Selfoss því hún
stundar nám við Fjölbrautaskóla
Suðurlands og er þar á tungu-
málabraut. Stúdentspróf tekur
hún væntanlega um jólin 1993 en
alveg er óráðið hvað þá tekur við
enda nægur tími til að ákveða
það. Þó veit hún að hana langar til
aö vinna að ferðamálum í fram-
tíðinni, jafnvel á ferðaskrifstofu
eða verða flugfreyja. Hana langar
einmitt að ferðast sem mest og
komast til sem flestra landa.
Aðspurð um áhugamál segir
Hanna að hestamennska sé
númer eitt, tvö, þrjú og fjögur.
Hún á sjálf hest og ríður út eins
og oft og hún getur. Annars hefur
hún líka gaman af hvers konar
líkamsrækt og notfærir sér allt
slíkt sem býðst á Hellu en þar er
ekki alltaf um auðugan garð að
gresja. Þess vegna er öllum sem
koma í heimsókn þangað með
stutt námskeið í alls kyns líkams-
rækt vel tekið.
Með skólanum vinnur Hanna
Valdís í sjoppu. Á sumrin hefur
hún unnið ýmis störf, svo sem við
trésmíðar, kjötvinnslu, afgreiðslu-
störf í Grillskálanum á Hellu og
eitt sumar vann hún hjá Land-
græðslunni. Einhvern tíma i fram-
tíðinni langar Hönnu Valdisi að
eignast góða fjölskyldu. Sjálf á
hún þrjú systkini og er næst elst.
Foreldrar hennar eru Erla Haf-
steinsdóttir og Garðar Jóhanns-
son.
Hanna Valdís er 174 cm á hæð
og er Ijóshærð og bláeygð.
8. TBL. 1992 VIKAN 85