Vikan - 19.05.1993, Side 17
þú fórst út íbúð.
„Það eru engar búðir í ná-
grenni við búgarðinn sem ég
var á í Montana en þetta er
því miður eitt af því sem óhjá-
kvæmilega fylgir mínu starfi.
Ég skil ósköp vel af hverju ég
var lagður í einelti og það
eina sem maður getur vonað
er að slúðrið hætti. Það hættir
líka fyrr eða síðar. Hver og
einn verður að gefa sér tíma
til að huga að hvað það er
sem skiptir máli og í þessu til-
felli var það spurningin fyrir
mig að komast í burtu frá öllu
ruglinu og finna út hvað ég
vildi gera.“
- Hefur þér tekist að jafna
þann ágreining sem kom upp
á milli þín og Juliu Roberts?
„Ég hef verið mjög upptek-
inn og við höfum ekkert sam-
band eins og er en hún er frá-
bær leikkona og ég ber fulla
virðingu fyrir henni sem
manneskju."
- Hver er afstaða þín til
blaðamanna. Finnst þér þeir
oft mistúlka það sem þú seg-
ir?
„Það eina sem hefur valdið
mér vonbrigðum í samskipt-
um mínum við blaðamenn er
ef einhver ætlar að fjalla um
mig á neikvæðan hátt en við-
komandi hefur ekki kjark til að
gagnrýna mig beint. Þá segja
þeir ekki berum orðum að
þeim líki ekki það sem ég er
að gera í starfi eða einkalífi
og spyrja mig ekki af hverju
ég hagi mér á þann veg. Það
gæfi mér tækifæri til að svara
fyrir mig og útskýra það sem
þeir gera athugasemdir við í
stað þess að þeir fari með
einhvern óútskýrðan misskiln-
ing í blöðin. Það er óþolandi
þegar menn eru svo undir-
förulir að þeir segja við mann
að þeir kunni að meta það
sem maður er að gera en
skrifa síðan bara róg og lyg-
ar.
Ég ber mikla virðingu fyrir
blaðamönnum yfirleitt og tel
að margar af þeim breytingum
sem hafa orðið til batnaðar í
Bandaríkjunum á undanförn-
um árum séu góðri rannsókn-
arblaðamennsku að þakka.
Það skiptir ekki máli hvort við
tölum um blaðamenn, leikara
eða hvað stétt sem er, það
eru bæði góðir og lélegir ein-
staklingar í öllum starfsgrein-
um. Lélegur blaðamaður er
alls ekki sá sem gagnrýnir og
þegar ég ákvað að gerast
leikari var ég mér meðvitandi
um að ég þyrfti að geta þolað
gagnrýni. Fals og baknag á
ég hins vegar erfitt með að
sætta mig við.“
LÉLEGUR BÓNDI
- Hvað varþað sem þú gerð-
ir í Montana sem varð tii þess
að hlutirnir fóru að breytast?
Var það einveran og fjarlægð-
in frá Hollywood eða eitthvað
annað?
„Mig langaði bara til að
prófa eitthvað nýtt. Þetta var
aðallega spurningin um að
hafa annað starf. Það skiptir f
raun og veru engu máli hvar
maður er þvf maður situr alltaf
uppi með sjálfan sig og mér
hefur aldrei liðið betur en
akkúrat núna þó ég sé kom-
inn aftur til Hollywood. Mig
langaði til að prófa að vera
bóndi en ég ber mikla virðingu
fyrir bændum því þeir vinna
erfiðustu störf af öllum sem
ég hef kynnst. Sjálfur er ég
hræðilega lélegur bóndi en
það var líka góð reynsla að
vera innan um annars konar
fólk en er hér í Los Angeles,
fólk sem lítur bara á mig sem
jafningja og setur mig ekki
upp á stall. Þetta var ekki ó-
svipað því og þegar maður
situr á skólabekk allt árið og
fer í starfskynningu í viku.
Það er mjög spennandi fyrir
krakka að takast á við svo-
leiðis og þetta var nokkurs
konar starfskynning fyrir mig.
Þetta var eins og að standa
uppi á borði til að fá annað
sjónarhorn og þegar ég var til-
búinn að fara að vinna aftur
kom ég til baka. Ég mun
aldrei gleyma þessum tíma og
ég vona að ég þurfi ekki að
ganga í gegnum sömu óviss-
una aftur. Þetta kenndi mér
að bera virðingu fyrir sjálfum
mér og því sem ég er að gera
og ég ætla aldrei aftur að taka
að mér hlutverk sem ég hef
ekki sérstakan áhuga fyrir.“
- Þér datt ekki í hug að
leggja leikinn á hilluna.
„Nei, ekki að öllu leyti en
það kom til greina að hætta í
kvikmyndum. Það var kominn
tími til að fara að leika aftur
því ég hafði verið mikið með
börnunum og fyrrum eigin-
konu minni og það var orðið
erfitt fyrir þau að halda áfram
sínu lífi. Nú er hún byrjuð í
skóla og við seldum búgarð-
inn.“
- Hver eru helstu framtíð-
aráform þín? Átt þú von á að
leikstýra fleiri myndum eða er
eitthvað annað á döfinni?
„Nei, þetta var bara sér-
stakt verkefni sem heillaði mig
og ég leikstýrði þvi frá sjónar-
horni leikara því megininntak-
ið er ákveðið samtal. Það er
verið að klippa myndina og
hún verður frumsýnd á kvik-
myndahátíðinni í Cannes.“ □
NANNA GUÐBERGS
ÚTSÖLUSTAÐIR:
REYKJAVÍK: Snyrtivöruversl. Cher, Laugavegi 76 • Spes, Háaleitisbraut 58-60
Snyrtihús Heiöars, Vesturgötu 19 • Saloon Ritz, Laugavegi 66 • Snyrtistofa Kristínar,
Ásvallagötu 77 • Hárgreiöslust. Hótel Loftleiöum, Reykjavíkurflugvelli • Ingólfsapótek,
Kringlunni 8-12 • Verslunin 17, Laugavegi 91 • Snyrtistofan NN, Kringlunni 6
Snyrtistofan Paradís, Laugarnesvegi 82 • Snyrtistofan Fegrun, Búöargerði 10
Hár og föröun, Faxafeni 8 • Snyrtist. Halldóru, Fannafold 217a • KÓPAVOGUR: Gott útlit,
Nýbýlavegi 14 • GARÐABÆR: Snyrtihöllin, Garðatorgi • HAFNARFJÖRÐUR:
Versl. Dísella. Miövangi • Snyrtist. Bjargey, Reykjavíkurvegi 16 • KEFLAVÍK:
Snyrtivöruversl. Smart • AKRANES: Versl. Perla • BORGARNES: Apótek Borgarness
ÍSAFJÖRÐUR: Snyrtistofan Sóley • Versl. Krisma • FLATEYRI: Félagskaup
PATREKSFJÖRÐUR: Patreksapótek • SAUÐÁRKRÓKUR: Skagfiröingabúö
Snyrtistofan Táin • AKUREYRI: Vörusalan • Betri líðan • Snyrtistofan Eva
Verslunin Ynja • DALVÍK: Snyrtist. Tanja • HÚSAVÍK: Snyrtistofan Hilma
VOPNAFJÖRÐUR: Lyfsalan • HÖFN: Snyrtistofa Ólafar • HVERAGERÐI:
Ölfusapótek • Snyrtistofa Löllu, Heilsustofnun NLFÍ • VESTMANNAEYJAR: Miðbœr.
10.TBL. 1993 VIKAN 17
LJÓSM.: BRAGI Þ. JÓSEFSSON / HÁR: ERLA i HÁR OG FÖRÐUN