Vikan - 01.05.1996, Síða 78

„FYRSTEANNST
MÍRÞETHV
VERAHAU
PÚKALEGT"
TEXTI: SVAVA JÓNSDÓTTIR UÓSM.: GÍSLI EGILL
Atli Þór Alfreösson bar sigur
úr býtum í módelkeppninni
Herra Hafnarfjörður 1996.
Hann er tuttugu og eins árs
gamall nemi í húsasmíði og
hugurinn stefnir á nám í arki-
tektúr eða einhvers konar
hönnun. í viðtali við VIKUNA
spjallar hann meðal annars
um keppnina, alnæmi og
fíkniefni.
Hann ólst hvorki upp
við Hamarinn í Hafn-
arfirði né í grennd við
klaustur Karmelsystra. Hann
er alls ekki Hafnfirðingur og
segja má að það sé kald-
hæðni örlaganna hvað
keppnina varðar. Keppendur
voru níu og aðeins tveir
þeirra voru Hafnfirðingar. Atii
Þór er Reykvíkingur og býr í
Grafarvogi. Hann er hávax-
inn, grannur og strákslegur
og án efa verðugur titilsins.
„Ég var beðinn um að taka
þátt í keppninni trekk í trekk.
Fyrst fannst mér þetta vera
hálf púkalegt. En svo lét ég
tilleiðast. Það voru líka fín
verðlaun í boði.“ Hver voru
þau? „Um það bil 83.000
krónur í fataúttektum."
Atli Þór var átján ára þeg-
ar hann fór á námskeið í
skóla Johns Casablanca.
Upp frá því fór hann að taka
þátt í tískusýningum. Hvað
er það sem heillar þig við að
sýna föt? „Það er viss
spenna í að koma fram og
sýna í sal fullum af fólki. Það
er líka fínn félagsskapur í
þessum bransa. Það eru
reyndar ekki launin sem
heilla,“ segir hann og hlær.
„Allavega ekki ennþá.“ Hann
segist alltaf passa upp á það
að vera þokkalega til fara.
„Og ég tek eftir því hvernig
aðrir eru klæddir."
Herra Hafnarfjörður er á
föstu. Unnustan heitir Magn-
ea Sif Agnarsdóttir og er
hárgreiðslunemi. Þau eru
búin að vera saman í eitt og
hálft ár. Ætlið þið ekkert að
fara að búa? „Það fer nú
kannski að koma að því,“
segir Atli Þór. Hvernig fannst
henni þegar þú varst kosinn
herra Hafnarfjörður? „Hún
var ekkert hrifin af því þegar
hún frétti að ég ætlaði í
keppnina. Henni fannst það
vera púkalegt, eins og mér.
Fólk tók ekkert vel í þetta
vegna þess að það hélt að
þetta væri fegurðarsam-
keppni. Ég fann það til dæm-
is í skólanum. En svo var
Magnea á keppninni og
henni fannst hún vera mjög
flott.“ Atli Þór segist ekki
hafa orðið var við afbrýði-
semi eftir að hann vann
keppnina. „En ég verð fyrir
góðlátlegri stríðni í vinn-
unni.“ í hverju felst hún?
Hann hlær. „Félagarnir kalla
mig til að mynda „Herra
Hafnarkrá“ og „halló Hafnar-
fjörður“.“
Uppáhaldsleikari Atla Þórs
er Liam Neeson, uppáhalds-
rithöfundurinn er Stephen
King og eftir tíu ár sér hann
sjálfan sig fyrir sér í rándýr-
um BMW eða Jagúar. Pen-
ingana fyrir bílnum ætlar
hann að fá fyrir vinnu sfna
sem arkitekt eða einhvers
konar hönnuður. En hvað
með húsasmíðanámið? „Það
er góður grunnur fyrir arki-
tektúrinn eða hönnunina.“
Hvaða eiginleikum mundir
þú helst vilja vera búinn?
Hann hugsar sig um. „Ég
mundi helst vilja vera víöles-
inn, atorkusamur og sam-
viskusamur."
Hvað mundir þú gera ef
þú fengir það hlutverk að
skipuleggja af hálfu yfirvalda
aðgeröir gegn útbreiðslu al-
næmis? „Mér finnst að það
ætti að stimpla þetta með
höröu í krakkana á meðan
þeir eru litlir. Þá hafa þeir
tíma til að melta þetta og
skilja betur.“ Heldur þú að
ungt fólk muni eftir alnæmi
þegar það stundar skyndi-
kynni? „Það fer svolítið eftir
því ( hvernig ástandi viðkom-
andi er. Þaö er náttúrlega af-
markaður hópur sem er að
djamma um hverja helgi og
er kærulaus." Eru kunningjar
þínir kærulausir? „Það er
eitthvað um það. En ég held
að breytingin á einu ári sé
mikil því umræðan um al-
næmi hefur aukist gffurlega."
Hvað fíkniefnavandann
varðar segir Atli Þór að það
þyrfti að herða löggæsluna
og eftirlitið til að stöðva inn-
flutning. „Og það er ekkert
verra að þyngja bæði sektir
og fangelsisvistir. Þetta er
eins og með alnæmi. Það á
að fjalla um fíkniefnavand-
ann á meðan krakkarnir eru
nógu litlir til að þeir fái andúð
á fíkniefnum." Mest hefur
verið rætt um E-pilluna að
undanförnu. Er ekkert mál
að verða sér úti um eina
slíka? „Þú þarft ekki að fara
lengra en á skemmtistaðina
niðri i bæ á föstudags- og
laugardagskvöldum," segir
Atli Þór, „og það er nóg að
smella fingrunum." Hefur þér
verið boðið eitthvað vímu-
efni? „Já, spítt og hass.“
Hefurðu prófað vímuefni?
„Já, einu sinni þegar ég var
átján ára.“ Hvað? „Það var
mjög vægt vímuefni." Hass?
„Eitthvað svoleiðis." Hvernig
leið þér? „Mér leið ekkert
betur. Ég skil ekki hvað fólk
sér við þetta.“ Af hverju
varstu að prófa? „Af því aö
vinir mínir gerðu það. Þaö
var stemmning fyrir þvf í ein-
hverju partýi. Maður var bú-
inn að fá sér í glas og kæru-
leysið var aðdragandinn.“ Þú
heldur að þú prófir þetta ekk-
ert aftur? „Nei,“ segir hann
ákveðinn. „Ég hef bara enga
löngun til þess. Mér finnst
bara ekkert varið í þetta.“ Atli
Þór er maður sem veit hvað
hann vill. □
78 VIKAN 2. TBL. 1996