Vikan - 07.05.1998, Side 43
Nöldur Vikunnar.
Hugljúf tónlist byrjar, tjaldið fer frá, ljósin upp og
töfraheimur leikhússins opnast manni. Maður
gleymir stund og stað, hverfur inn í annan
heim, er í öðru landi á öðrum tíma....þar til manneskjan
á fimmta bekk byrjar að hósta og hnerra. Maður dettur
inn í hversdagsleikann aftur. Reynir að einbeita sér að
leikurunum, en hóstinn er djúpur og endalaus. Eftir tí-
unda hóstakastið fer maður að finna til með leikurunum
sem gera sitt besta þrátt fyrir hávaðann úr salnum.
Hvernig í ósköpunum dettur manneskju með kvef (ör-
ugglega bronkítis) í hug að fara í leikhús og skemma sýn-
inguna fyrir 500 manns. Að baki liggur margra mánaða
vinna fjölmargra listamanna og áhorfendur hafa búið sig
upp á og borgað sig inn til að njóta þess sem fram fer á
sviðinu. En ein tillitslaus manneskja, sem ætti að liggja í
rúminu nær að skemma sýninguna (og kannski smita
nokkra í leiðinni). Er ekki hægt að vísa illa kvefuðu fólki
úr salnum? „Við sitjum ekki úti í sal meðan á sýningu
stendur og vitum því ekki af þessu,“ segja starfsmenn
Borgarleikhússins. „Við gerum ekkert í þessu nema að
það sé kvartað yfir fólki. Þá förum við inn og biðjum
fólk vinsamlegast um að koma fram, fá sér vatn eða jafn-
vel koma aftur seinna.“
Niðurstaða: Kvefað fólk á að vera í rúminu en ekki á
leiksýningum!
Er ekki ýmislegt sem fer í taugarnar á ykkur, lesendur
góðir? Sendið okkur „Nöldur Vikunnar“ á Seljaveg 2,
101 Rvík. Eða hringið til okkar á Vikunni.
Streitupróf
Eftirfarandi spurningalisti, sem er hannaður
af læknunum Holmes og Rahe,
mælir stig þeirrar streitu sem við
getum orðið fyrir í lífinu. Meira að
segja ánægjulegar breytingar geta
verið streituvaldandi. Hátt hlutfall
streituvalda getur leitt til veikinda. í
rannsóknum hefur fólk sem fékk yfir 300 stig
veikst þremur til sex mánuðum síðar. Ef einhver
breyting hefur átt sér stað hjá þér á síðastliðnu
einu ári, eða er um það bil að gerast,
merktu þá við. Leggðu saman öll stigin.
Stigin: Vonandi ertu langt undir 300 stigum.
Dauði maka eða sambýlismanns
Skilnaður
Aðskilnaður við maka eða
sambýlismanns 65
Fangelsisvist 63
Dauði náins skyldmennis 63
Slys eða veikindi (þín eigin) 53
Hjónaband/trúlofun/sambúð hafin 50
Brottrekstur úr vinnu 47
Samband tekið upp að nýju við maka eða
unnusta/sambýling 45
Hætt að vinna úti 45
Breyting á heilsufari einhvers í fjölskyldunni 44
Þungun 40
Erfiðleikar varðandi kynlíf 39
Nýr fjölskyldumeðlimur bætist við 39
Breyting á vinnustað 39
Breyting á fjárhagsstöðu 38
Andlát náins vinar 37
Farið í nýtt og framandi starf 36
Alvarlegt rifrildi við maka/félaga 35
Skuldir yfir 3.5 milljónuin 31
Yfirvofandi nauðungaruppboð vegna skulda 30
Breyting á ábyrgð í starfi 29
Barn fer að heiman 29
Vandamá! milli þín og tengdafólks 29
Frábær árangur á einhverju sviði 28
Maki/félagi byrjar/hættir að vinna 26
Byrjun eða endir á skólagöngu 26
Breyting á búsetu 25
Uppstokkun á persónulegum venjum 24
Erfíðleikar í samskiptum við yfirmann eða
undirmenn 23
Breyting á vinnutíma eða aðstæðum á vinnustað 20
Skipt um heimili 20
Skipt um skóla 20
Nýtt áhugamál 19
Breyting á kirkjusókn/trúarlífí 19
Breyting á félagslífí 18
Skuldir undir 3.5 milljónum 17
Breyting á svefnvenjum 16
Breyting á matarvenjum 15
Fariðífrí 13
Jólin nálgast 12
Minniháttar lagabrot 11
L