Menntamál - 01.08.1942, Page 20

10
MENNTAMAL
Nemendur fá vinnustofur í skólanum til afnota frá kl.
9 f.h. til kl. 3 s. d. Kennarar deildarinnar eru listmálar-
arnir Kurt Zier og Þorvaldur Skúlason.
VI. Síðdegis- og kvöldnámskeið fyrir almenning.
1. Barnateikning. Fríhendisteikning og föndur fyrir börn
á aldrinum 8—14 ára. Kennt einn dag í viku, kl. 5—7 e. h.
2. Almenn teikning og meðferð lita. Kennt 1. okt til 15.
apríl. Tveir námsflokkar. Kennt í hvorum flokki tvö kvöld
í viku, kl. 8—10. Fríhendisteikning (með blýanti, koli, krít
og penna). Teiknað eftir ýmsum munum, lifandi plöntum,
landslagi, líkama mannsins. Meðferð vatns- og olíulita.
Ennfremur teikning vefnaðar- og útsaumsgerða, dúk-
myndaskurður (Linoleum-skurður) o. fl. Er ekki gert ráð
fyrir því, að þátttakendur stundi allar þessar greinir jöfn-
um höndum, heldur sérhæfi sig hver á kjörsviði sínu, þeg-
ar komið er yfir byrjunarstigið.
3. Rúmsæisteikning (Perspektiv-teikning). Kennsla þessi
er fyrst og fremst ætluð þeim, sem hafa áhuga á sögu og
þróun myndlista og stíls í handíðum, listiðnaði og bygg-
ingarlist, svo og þeim, sem sjálfir stunda þessar greinir,
eða hafa í hyggju að leggja þær fyrir sig. Kennsla þessi
fer fram síðdegis, 4 stundir í viku.
4. Auglýsingateikning. Kennd er auglýsingaskrift og
teikning. Kennsla þessi er fyrst og fremst ætluð verzlunar-
og skrifstofufólki. Kennt er eitt kvöld í viku, okt.—apríl.
5. Bókband. 4 stundir á viku í hverjum flokki. Kennt
kl. 5—7 og 8—10 e. h.
6. Tréskurður. 4 stundir í viku. Kennt kl. 8—10 e. h.
Teiknistofa Handíðaskólans.
í sambandi við skólann er starfrækt teiknistofa, sem
tekur að sér ýmiskonar teiknivinnu, svo sem myndskreyt-
ing bóka og tímarita, rúmsæisteikning (Perspektive-teikn-
ing), myndskreyting kirkna o. fl.