Menntamál - 01.08.1942, Blaðsíða 69

MENNTAMÁL
59
2. Aðalfundur K. E. skorar á fræðslumálastjórnina aö fá það
lögboðið, aö allar bækur, sem ætlaðar eru börnum og unglingum
til náms eða lesturs, séu með hinni lögboðnu stafsetningu, og fylgi
viöurkenndum málfræð'ireglum um mál og stíl. Jafnframt telur fund-
urinn æskilegt, að' prentaö íslenzkt mál lúti sömu lögum, nema um
fornrit sé að ræða.
3. Aðalfundur K. E. samþykkir, að kjósa þriggja manna nefnd,
er vinni aö þvi, ásamt námsstjóra, að gjöra tillögur um hvernig
bezt verði dregið saman hið mikla námsefni, sem börnum er nú ætlaö
að komast yfir, og skipulagt þannig, að það nái þeim tilgangi, sem
því er ætlaö að ná. Nefndin leggi tillögur sínar fyrir næsta aðalfund.
4. Aðalfundur K. E. skorar á stjórn S. í. B. að' beita sér fyrir því,
að ríkið styrki nokkra kennara árlega til þess að ferðast milli skóla
innanlands á starfstíma skólanna, t. d. í einn til tvo mánuði, í því
augnamið'i að kynnast góðum kennsluaðferðum, og öðru, sem gagn-
legt má teljast starfi þeirra.
Hannes J. Magnússon, ritari.
I.eiðréttingar.
í greininni „Sumardvöl Akureyrarbarna" bls. 158 í síðasta hefti
„Menntamála", hefur af vangá fallið niður ein lína. Þar átti að
standa: Nefndina skipa: Ungfrú Kristbjörg Jónatansdóttir frá kven-
félaginu ,,Hlíf“, frú Sigríður Þorsteinsdóttir frá verkakvennafél.
„Eining" o. s. frv.
Þá hefur og misprentast á bls. 159, 3. 1. a. o. í sömu grein, Helgi
Péturss, en átti að vera Helgi Pálsson.
Heimili og skóli.
Kennarar við' Eyjafjörð eru áhugasamir um skólamál og upp-
eldismál, svo að' sérstaka eftirtekt hefur vakið'. Nú hafa þeir ráðist
í að gefa út málgagn, sem ætlað' er skólum og heimilum. Eru komin
út tvö hefti, bæði með miklum myndarbrag, hvað snertir efni og
frágang. Ég tel, að' blað þeirra Norðlendinga eigi erindi inn á heim-
ilin, og væri því vel, að kennarar víðsvegar um land hlynntu að
þessari djarfmannlegu t.ilraun, og reyndu að' útbreið'a blaðið. Tím-
arnir eru erfið'ir, hvað útgáfu snertir, og má jafnan bera til beggja
vona, hvernig útgáfustarfsemi reiðir af. Ég hygg, að eyfirzkir kenn-
arar hafi ekki fjárstyrk mikinn; framtíð blaðsins er því komin undir
góð'um og öruggum stuð'ningi og hann eiga þeir skiliö að fá. Rit-
stjóri er Hannes J. Magnússon.