Menntamál - 01.12.1943, Qupperneq 22

68
MENNTAMÁL
Við, sem hófum þetta námsstjórastarf, erum sannfærðir
um gildi þess, og teljum að það feli í sér mikla möguleika
til verulegra umbóta á fræðslumálum og uppeldi í landinu.
Og það er skoðun mín, og sjálfsagt okkar allra, að þetta
spor sé tvímælalaust eitt hið allra þýðingarmesta, sem
stigið hefur verið í málefnum barnafræðslunnar siðan
1907, að hin fyrstu lög um fræðslu barna og skólaskyldu
voru sett. Og það hefur verið okkur mikil ánægja og öflug
hvatning að starfa að þessu undir yfirstjórn fræðslumála-
stjórans, sem hefur sýnt mikinn áhuga á því að þetta
merka spor yrði stigið og jafnframt óvenju glöggan skiln-
ing á þýðingu þess. Það er og ánægja að geta vottað það,
að kennararnir hafa yfirleitt fagnað því að fá þetta lið-
sinni, og allur almenningur, sem eitthvað lætur sig skipta
þessi mál, hefur einnig tekið því vel.
Ég vil því leyfa mér að bera fram þá eindregnu ósk til
þings og stjórnar að sjá um það, að störf námsstjóranna,
verði efld til muna svo þau mættu verða merkari og sterk-
ari en þessi byrjunarár gátu sýnt.
Nota vil ég svo tækifærið til að bera fram alúðarþakkir
fyrir ómetanlega gestrisni og greiðasemi bænda og búa-
liðs við sjó og í sveit. Skólanefndunum skulu einnig þakk-
ir goldnar fyrir ágæta samvinnu. Og börnunum bið ég að
heilsa. En við kennarana vil ég segja þetta: Hafið hjartans
þökk fyrir samstarfið þessi tvö ár. Þið fáið og í stað minn
í vetur skemmtilegan félaga og ágætan skólamann, Friðrik
Hjartar skólastjóra. Þykist ég viss um að samvinna ykkar
verður góð.
Hefjum svo starf í Herrans nafni. Þótt erfiðlega' gangi,
ber eigi að gerast bölsýnn um of. Þegar á móti blæs er það
gamall og góður siður að leggjast fastar á árar. Það skulum
við nú allir gera í vetur, því þjóð vor þarfnast þess og
væntir þess að bæði skipstjórnarmenn og hásetar á skút-
unni okkar allra geri nú skyldu sína í hvívetna. Margt