Menntamál - 01.12.1943, Side 73
MENNTAMÁL
119
starfi sínu í stærsta íþróttafélagi landsins, Ármanni, ferð'um með
íþróttaflokka utan lands og innan, heimakennslu og síðast en ekki
sízt með byggingu hins veglega íþróttahúss, senr við hann er kennt,
hefur hann vakið fleiri og fleiri til heilsusamlegs lífernis, iþrótta-
iðkana, hreinlætis og bjartsýni. Á seinni árum hefur hann einkum
lagt stund á sjúkraleikfimi, tekið illa vaxin eða veikbyggð börn og
ungmenni og reynt að styrkja, fegra og þroska líkami þeirra. Nú hefur
Jón gefið út dálitla bók, með fjölda skýringamynda, um heilsusam-
legar æfingar, sem einkum miða að því að styrkja og rétta bakið.
Heitir bókin Vaxtarrækt og má óefað fullyrða, að Jón hefur ekki
látið frá sér fara annaö en það, sem hann hefur reynslu fyrir að
er gagnlegt.
Minningarsjóður
Aðalsteins Sigmundssonar mun nú vera oiðinn að upphæð um
10 þúsund krónur.
Skólabörnin í Reykjavík 1943—1944.
Jafnan er liðið langt á haust, þegar barnaskólarnir hér í Reykjavík
geta látið fræðslumálaskrifstofunni í té áreiðanlegar tölur um fjölda
skólabamanna. Börnin eru fram eftir hausti að koma úr sveitinni og
fólk að flytja til bæjarins. Samkvæmt skýrslum frá skólunum, ný-
■fengnum, eru skólaböm á aldrinum 7—14 ára samtals 4715, og er
það um 270 börnum fleira en síðastliðiö skólaár.
Skipting í skólana er þannig:
Austurbæ j arskólinn
Landakotsskólinn
Lauganesskólinn
Miðbæ j arskólinn
Skildinganesskólinn
Skóli ísaks Jónssonar
Æfingadeildir Kennaraskólans
1815 börn
208 börn
746 börn
1525 börn
205 börn
143 börn
73 börn
Hvers vegna fækkar nemendum Kennaraskólans?
Flestir skólar á landi hér eru nú troðfullir og sumir hafa orðið að
vísa mörgum umsækjundum fiá. — Einn skóli er undantekning: Kenn-
araskóli íslands. Þar eru nemendur svo fáir, að til vandræða horfir.
Um 50 nemendur eru í Kennaraskólanum í vetur. Stundum áður hafa
þeir verið á annað hundrað, og svo er talið, að til þess að fullnægja
kennaraþörf landsmanna mættu nemendur Kennaraskólans trauöla
vera færri árlega en 70. Þetta mál er enn ískyggilegra fyrir þá sök,