Menntamál - 01.12.1943, Page 24
70
MENNTAMÁL
hlýða að tímarit kennarastéttarinnar minnist Halldóru á
þessum tímamótum í ævi hennar.
Halldóra Bjarnadóttir er fædd að Hofi í Vatnsdal 14. okt.
1873. Foreldrar hennar voru Björg Jónsdóttir frá Háagarði
í Skágafirði og Bjarni Jónasson frá Ási í Vatnsdal. Hafði
föðurætt hennar búið lengi í Ási. Foreldrar Halldóru skildu
samvistir, fór faðir hennar til Ameríku en Halldóra flutt-
ist til Reykjavíkur með móður sinni og ólst þar upp. Leitaöi
hún sér mennta eftir föngum á uppvaxtarárunum, en sök-
um fátæktar meinuð löng skólavist. Lærði hún samt fjöl-
margt í tímakennslu, bæði til munns og handa. Hóf hún
síðan kennslustörf kornung að árum, fyrst vestur við
Breiðafjörð, síðan norður á Höfnum á Skaga. Þegar hér var
komið sögu, brauzt hún til utanfarar, sigldi til Noregs og
settist í kennaraskóla í Kristianiu (Oslo). Eftir þriggja ára
nám lauk hún ágætisprófi við skólann. Hvarf Halldóra þá
heim og stundaði kennslu við barnaskóla Reykjavíkur og
kvennaskólann. Laun voru þá mjög lág og engir settir fastir
kennarar. Sótti Halldóra um föst mánaðarlaun, en fékk ekki.
Tók hún þá það ráð, til þess að framfleyta þeim mæðgum,
að hún sótti um kennarastöðu í Moss í Noregi og fékk hana.
Var hún þar kennari í 11 ár. Jafnframt kennslunni ferð-
aðist hún um Noreg, þegar tækifæri gáfust, og flutti erindi
um ísland og íslenzku þjóðina. Árið 1908 fluttist hún aftur
heim til íslands og fékk skólastjórastöðuna á Akureyri. Var
hún þar skólastjóri nokkur ár, en sagði stöðunni upp.
Nokkru síðar fluttist hún til Reykjavikur og gerðist handa-
vinnukennari við Kennaraskólann. Síðar gerðist hún heim-
ilisráðunautur og hefur sinnt þeim störfum síðustu árin.
Hún dvelur nú á býli sínu Mólandi í Glerárþorpi við Akur-
eyri.
Af þessu stutta yfirliti sézt glögglega, að Halldóra Bjarna-
dóttir hefur helgað þjóðlegri menningu og uppfræðslu
landsmanna starfskrafta sína. Þó er vitanlega margt ótalið
og ósagt um störf hennar. Þegar hún fluttist til landsins