Menntamál - 01.12.1943, Blaðsíða 50
96
MENNTAMÁL
ÞaS heyrðist tæplega sú skoðun, að ósamboðið væri fyrir
heiðvirða konu að bindast einkamálum við hermann árás-
arþjóðar. Opinber nefnd tók þessi siðferðismál til athug-
unar og birti skýrslu. Skýrslan var merkileg, en í sama
bili heyrðust raddir, sem töldu siðferðisástandið gott og
atyrtu nefndina harðlega fyrir störf sín. Almenningsálitið
studdi nefndina ekki mjög eindregið og virtist hvorki sér-
lega viðkvæmt fyrir heiðri þjóðarinnar né heill. Sumir
töldu lærdómsríkt fyrir ungar stúlkur og þroskavænlegt að
drasla við setuliðsmenn, heiðarlegar frúr og piparjómfrúr
slógu út í aðra sálma og fóru að tala um það, að karl-
mennirnir hefðu víst ekki orðið betri, ef allt hefði fyllst
hér af útlendu kvenfólki. í stað þess að gráta örlög þeirra
kynsystra sinna, sem misstu heiður sinn undir setuliðs-
mönnum, fylltust þær djöfullegri meinfýsi við að útmála
fyrir sjálfum sér og öðrum, hvernig útreið karlmannanna
hefði getað orðið, ef þeir hefðu komist í vandann en ekki
konurnar.
íslenzkir þegnar, sem ekkert höfðu unnið til saka eftir
íslenzkum lögum voru handteknir, dæmdir til refsinga og
sumir fluttir úr landi. Almenningsálitið lagðist ekki ein-
róma á sveif með þessum mönnum, stundum jafnvel frekar
á móti. í sérhverja afsökun þess var ásökun lætt, til
þjónkunar hinum erlenda málstað. — íslenzk stjórnar-
völd voru þvinguð til að biðja um hervernd Bandaríkj-
anna, að því að sagt er. Almenningsálitið tók því með
jafnaðargeði. — Reynt er að læða því inn í meðvitund þjóð-
arinnar, að okkur beri að líta á ameríska herinn sem vini,
sökum þessarar herverndarbeiðni. Almenningsálitið hefur
ekkert við það að athuga. Sumum er jafnvel ljúfara að
leggja hlustirnar við „the voice of America“, sem lokkar
með gulli og grænum skógum, heldur en „íslands eigin
lagi“ í brjósti sínu. — íslenzkir menn hafa verið drepnir
fyrir það eitt að leggja leið sína of nærri útlendum varð-
mönnum og konur hafa verið svívirtar, en almenningsálitið