Menntamál - 01.12.1943, Síða 40

86
MENNTAMÁL
og eflingar þessum máttarstoðum sjálfstæðis íslenzku þjóð-
arinnar.
Barnabókmenntir, saga og stafsetning.
Frá allsherjarnefnd voru eftirgreindar tillögur samþykkt-
ar í einu hljóði:
— Almennt kennaraþing beinir til fræðslumálastjórnar:
1. AÐ stofnaö verði til rannsókna á því í skólum og heim-
ilum, hvaða aðferðir eru áhrifamestar til þess að vekja
áhuga barna og unglinga, á ýmsum aldri, á bókmennta-
perlum íslendinga að fornu og nýju, fegurð tungunnar og
merkum atburðum og mönnum íslandssögunnar. Mætti
stofna í þessu skyni tilraunaskóla og fá auk þess hóp for-
eldra til samstarfs um athuganir á börnum í heimahúsum.
2. AÐ athugað verði af kennurum í samráði við sagn-
fræðinga, með hverjum hætti kennslubækur íslandssögu
fyrir börn eigi að vera, svo að vænta megi sem bezts árang-
urs af kennslunni, og að þeim niðurstöðum fengnum verði
hæfustu mönnum falið að semja bækur í samræmi við þær.
Einnig verði athugað, að hve miklu leyti sé unnt að sam-
eina heimildalestur íslenzkukennslunni, með því að örðugt
mundi að auka tíma til sögukennslunnar á annan hátt og
margar söguheimildir eru hinar kjarnbeztu að máli..
3. AÐ gefið verði út í vönduöum myndskreyttum útgáf-
um við hæfi barna og unglinga, úrval úr íslenzkum þjóð-
sögum, ævintýrum, þjóðkvæðum, íslendingasögum, Eddu-
þáttum, svo og valdir þættir úr bókmenntum sJðustu alda,
og bókum þessum dreift inn á hvert heimili og í hvern
skóla á landinu.
4. AÐ gefin verði út nauðsynleg hjálpargögn, svo sem
orðalistar og réttritunaræfingar með ritreglum til notk-
unar við stafsetningarkennslu, og stafsetningarorðabök,
sem barnið hljóti til fullrar eignar að námi loknu.