Menntamál - 01.03.1950, Blaðsíða 15

MENNTAMÁL
9
Vegna þeirra, sem aldrei hafa sótt mót af þessu tagi,
mun ég fyrst lýsa stuttlega fyrirkomulagi þingsins og
starfsháttum. Mót þetta sátu á áttunda hundrað menn frá
ýmsum löndum eða frá rúmlega 30 þjóðum, en tiltölulega
var þó langflest þar af Hollendingum, þar næst af Belgíu-
mönnum, Svisslendingum og Frökkum. Eins og gefur að
skilja, er mikið verk og vandasamt að undirbúa svo mann-
margt þing, og hafði hollenzka undirbúningsnefndin leyst
það af hendi með slíkum ágætum, að ekki varð á betra
kosið. Þingið fór fram í einu veglegasta stórhýsi Amster-
damborgar, Indish Museum, en það er safn og menningar-
miðstöð fyrir nýlendur Hollendinga.
Efni það, sem þing þetta fjallaði um ,er mjög víðtækt
og nær yfir ólík svið. Var því hafður sá háttur á, að þing-
inu var skipt í 9 deildir, sem ræddu uppeldi og meðferð
helztu tegunda vanheilla barna. Þess vegna átti hver þátt-
takandi ekki kost þess að hlýða á nærri öll erindi, sem flutt
voru á þinginu, þar sem mörg voru haldin samtímis. Nið-
urröðun erindanna var þó hagað þannig, að gert var ráð
fyrir, að allir þátttakendur gætu hlýtt á sum þeirra, en
það voru einkum þau erindi, sem vörðuðu uppeldi og sál-
arlíf afbrigðilegra barna almennt. Þinginu var skipt í
deildir á eftirfarandi hátt: Ein deild fjallaði um mállaus
börn og málhölt og börn með gallað málfæri, önnur um blind
börn og sjóngölluð, þriðja um treggáfuð börn, fjórða um
flogaveik og geðveikluð (psychopathisk) börn, fimmta
um líkamlega fötluð börn, sjötta um uppeldislega erfið
börn, sem eru vangefin á einhverju sérstöku sviði, áttunda
um vanrækt börn og níunda um afbrotabörn og -unglinga.
Af þessari upptalningu má ráða, hve verkefni þessa þings
voru víðtæk og við fyrstu sýn ólík, og það voru þátttak-
endurnir líka: þarna voru læknar, barna- og unglingakenn-
arar, menn sem vinna við ýmsar stofnanir fyrir vanheil
börn, háskólakennarar í sálarfræði og uppeldisfræði
o. s. frv.