Menntamál - 01.12.1956, Blaðsíða 10

136
MENNTAMÁL
á því, að eitthvað af þeim fjármunum, sem varið var 1
óhóflegt skraut, hefði farið til þess að búa húsið betur að
húsgögnum og þægindum og gera það heimilislegra.
Fontainebleau, þar sem mótið var haldið, er sögufræg
borg, þótt ekki sé hún stór. íbúar hennar munu nú vera
a. m. k. 250—300 þúsundir. Hún liggur um 60 km. fyrir
sunnan París, og var frægðarljómi hennar mikill á mið-
öldum, því að konungar Frakklands höfðu þar löngum að-
setur sitt. Frans I. Frakkakonungur lét reisa Fontaine-
bleau-höllina snemma á 16. öld, og er hún bæði að vtra
formi og innra skrauti ein fegursta höll Frakklands. Skoð-
uðum við höllina einn daginn, og í sölum hennar fór fram
skilnaðarhófið. Fontainebleau (sem þýðir hinar bláu upp-
sprettur eða blálindir) er umvafin stærsta skógi Frakk-
lands, og er hann um 18.000 hektarar að flatarmáli. Liggja
um hann margir vegir og gangstigir, og er þar víða undur-
fagurt um að litast. Var áður gnægð veiðidýra í skóginum,
og er þar e. t. v. skýringin á því, hvers vegna Frakklands-
konungar tóku svo miklu ástfóstri við Fontainebleau.
Frakkar lögðu sig mjög fram til þess að dvöl þinggest-
anna yrði sem ánægjulegust. Fékk t. d. hver þinggestur
fagra bók að gjöf með myndum af sígildum listaverkum úr
frönskum söfnum. Farið var í smáferðalög um nágrennið,
merkar hallir og sögustaðir skoðaðir. Veizlur og veitingar
voru rausnarlegar og fóru fram með þeim látlausa glæsi-
brag, sem Frökkum er eiginlegur.
Þingið var á allan hátt mjög vel skipulagt, og varð, að
ég held, öllum til gagns og gleði. Það sem framar öllu ein-
kenndi það, var hið raunsæja viðhorf, sem þar ríkti í er-
indaflutningi og umræðum öllum.