Menntamál - 01.12.1956, Blaðsíða 32

158
MENNTAMÁL
kynnast tveim þeirra og dvelja alloft í tímum hjá þeim,
mér til ánægju og uppbyggingar. Erum við hér komin að
miklu grundvallaratriði, — ef við á annað borð viður-
kennum ákveðið gildi einhverrar kennsluaðferðar, — að
kennaraefnum sé leiðbeint í samræmi við hana.
Sá skólinn í Osló, sem ég kynntist og vakti einna mesta
athygli mína fyrir hin frjálsu lífrænu vinnubrögð, var
Sagene slcóli. Skólastjórinn þar, ungfrú Katrine Arnesen,
er eindregið fylgjandi þeirri stefnu, og hefur tekizt að ná
í mjög samstæðan kennarahóp. Ég mun drepa hér lítil-
lega á tvö verkefni, sem ég sá hjá einum kennara þar. Að
þeim unnu 12—13 ára drengir.
Fyrra verkefnið var siglingar Norðmanna. Nemendur
höfðu búið til stór, upphleypt kort af öllum heimsálfunum,
mjög vel gerð, máluð olíulitum, og var á þeim sýnt með
fínum þráðum, hvert norsk skip sigla. Litlar, fallegar
skipamyndir voru á hinum merktu leiðum skipanna. Ýmis
skipafélög höfðu sent drengjunum flögg sín, merki og
skipslíkön úr plasti, ásamt fjölda ljósmynda. Skreytti
margt af því skólastofuna, auk undravel gerðra olíu- og
töflumálverka eftir drengina sjálfa. — 1 sambandi við
þetta verkefni hafði saga siglinganna að sjálfsögðu verið
rakin frá fyrstu tíð, og voru mörg eftirtektarverð verkefni
um það.
Hitt verkefnið var um fiskveiðar Norðmanna, einkum
þorsk- og síldveiðar. Var það jafnvel enn þá umfangs-
meira og eftirtektarverðara en hitt. Á einni skólatöflunni,
en þær eru á þremur veggjum kennslustofunnar, var sýnt
upphaf þorsksins, — þegar hrygna gýtur hrognum sínum,
og hængurinn frjóvgar þau. Síðan voru sýndir hinir ýmsu
óvinir, sem mæta ungviðinu á þroskaferli þess, og loks,
þegar þorskurinn kemur fullþroska á Lófótmið. Á tveimur
töflunum voru glæsilegar teikningar af fiskveiðum í Ló-
fóten og þorpi og athafnalífi þess þar um slóðir. Þá voru
og allar veiðiaðferðir sýndar með glöggum teikningum á