Menntamál - 01.12.1956, Blaðsíða 74
200
MENNTAMÁL
Ennfremur voru flutt fjölmörg stutt erindi um sérfræði-
leg efni. Voru jafnan 4—5 slík erindi samtímis, og gátu
þátttakendur valið, hvað þeir vildu heyra. Var því ekki
hægt fyrir hvern og einn að fylgjast með öllu, sem fram
fór á þinginu.
Að sjálfsögðu var líka séð um, að þátttakendur gætu
hitzt og kynnzt persónulega. Borgarstjórn Kaupmanna-
hafnar bauð þátttakendum til móttöku í ráðhúsi borgar-
innar. Prófessor Niels Bohr bauð öllum erlendum þátt-
takendum og nokkrum dönskum heim til sín í kvöldfagnað.
En próf. Bohr býr í mjög rúmgóðum húsakynnum, þar
sem er heiðursbústaður sá, sem Carlsbergs-ölgerðin lét
reisa og ætlaður er til búsetu fyrir þann Dana, sem mest
hefur afrekað á sviði vísindanna eða frægastur er vegna
andlegra afreka á hverjum tíma.
Á dagskrá þingsins var og ferðalag til hins sögufræga
bæjar Sorö á Sjálandi.
Margir ágætir fyrirlestrar voru fluttir á þinginu, en fáu
er hér rúm til að segja frá. Má til dæmis nefna fyrirlestur
danskra sálfræðingsins Bodil Farup. En hún veitir for-
stöðu geðverndarstöð fyrir börn í Kaupmannahöfn. Gaf
fyrirlestur þessi góða hugmynd um hið vandasama og fyr-
irhafnarmikla starf, sem þar er unnið, til að lækna börn,
sem sýna merki hegðunarvandkvæða og taugaveiklunar,
starf, sem miðar að því að koma í veg fyrir, að þessi börn
verði ævilangt geðsjúklingar eða vandræðafólk. Með því
að hefja lækningatilraunir nægilega snemma má oft koma
í veg fyrir slíkt, einkum ef heppnast að fá foreldra og upp-
alendur til samvinnu um þessar lækningar.
Mikla athygli vakti fyrirlestur próf. Harald Schjelderup
frá Osló um „siðgæðileg vandamál við sálkönnun."
Starf sálkönnuðarins er fólgið í að leitast við að breyta
viðhorfum sjúklinga til sjálfra sín og annarra og oft lífs-
viðhorfum þeirra. Þetta er nauðsynlegt, ef hægt á að vera
að breyta skapgerð og persónuleika þann veg, að hægt sé