Menntamál - 01.12.1956, Blaðsíða 84
210
MENNTAMÁL
umhyggju fyrir æskulýð landsins að veita máli þessu allan þann
stuðning, sem auðið er.
2. A) Aðalfundur Kennarafélags Vestfjarða samþykkir að beina
þeim tilmælum til fræðslumálastjórnarinnar, að hún hlutist til um
að Kennaraskóli íslands leggi meiri rækt við það en verið hefur að
búa nemendur sína undir kennslustörf í söng, svo að skólarnir reyn-
ist þess fullkomlega megnugir að gegna hlutverki sínu á því sviði sem
öðrum.
B) Fundurinn telur, að nám fagurra íslenzkra ljóða og sígildra
sönglaga sé árangursríkasta leiðin til að vinna gegn og kveða niður
ómenningu þá, sem stafar af auvirðilegum og ómerkilegum dægur-
liigum og dægurlagatextum, sem flestir eru af erlendum rótum runnir.
Sökum þess telur fundurinn það aðkallandi menningarlega nauð-
syn, að meiri alúð og rækt sé lögð við söngkennslu í barna- og ung-
lingaskólum landsins og því fé sé vel varið, sem til þess er veitt.
3. Aðalfundur Kennarafélags Vestfjarða lýsir yfir, að hann er því
eindregið fylgjandi, að Ríkisútgáfu námshóka verði falið að hafa á
hendi verzlun með öll þau kennslutæki, sem nauðsynleg eru talin
hverju sinni fyrir skólaskyldustigið. Jafnframt sé séð um það, að öll
slík kennslutæki séu seld á sem hóflegustu verði.
4. Aðalfundur Kennarafélags Vestfjarða beinir þeim tilmælum lil
Ríkisútgáfu námsbóka og fræðslumálastjórnarinnar, að hún sjái um, að
út verði gefnar sem fyrst myndir til starfrænnar kennslu í öllum les-
greinum barnaskólastigsins. Jafnframt beinir fundurinn því til hór-
leifs Bjarnasonar námsstjóra, að hann leggi áherzlu á að fá gefnar út
myndir þær, sem Gunnlaugur Sveinsson kennari á Flateyri hefur gert
til notkunar í íslandssögukennslu. Fundurinn telur nauðsynlegt, að
prenta eða fjölrita myndirnar á vinnubókarblöð, svo að kennarar
geti hagnýtt sér þær á auðveldan og aðgengilegan hátt í starfinu. Auk
þess verði upplagið liaft svo stórt, að hverju barni sé mögulegt að
eignast þær.
5. Aðalfundur Kennarafélags Vestfjarða lýsir því yfir, að hann for-
dæmir harðlega útkomu þeirra glæparita og sorprita, sem svo mjög
hefur borið á að undanförnu og stöðugt er að fjölga. Jafnframt bend-
ir fundurinn á, að fjölmargir menningarfrömuðir hafa sýnt fram á,
að j>au hefðu siðspillandi áhrif á æsku landsins.
Fundurinn beinir því þeim tilmælum til forsvarsmanna þjóðar-
innar og löggjafarvaldsins, að gerð sé tafarlaust gangskör að því að
stöðva útkomu slíkra rita.
í stjórn félagsins voru kjörnir: Guðni Jónsson, ísafirði, formaður.
Kristján Jónsson, Hnífsdal, gjaldkeri. Guðmundur Tngi Kristjánsson,
Mosvallahreppi, ritari.