Heima er bezt - 01.08.1967, Síða 7

Nýleg mynd frá Þorvaldsstöðum. Gamli bcerinn stendur enn. Nýja húsið fram a hlaðinu. — Ljósmynd: Vilberg Guðnason.
sími í Skriðdal fyrr en víðast annars staðar og fyrir
dugnað hans og gott samstarf við 1. þingmann Sunn-
Mýlinga hringvegur um dalinn og brýr á árnar.
Eins skal getið hér, sem lýsir Friðriki betur en löng
upptalning á afrekum hans í búnaðar- og félagsmálum,
en fyrir þau störf hvor tveggju var hann sæmdur hinni
íslenzku fálkaorðu fyrir nokkrum árum. Því miður er
þetta sérkenni hans frernur fátítt — og því frekar, sem
hann hefur búið lengur og stærra en algengt er: Ha?m
hefur aldrei gleymt að fá heyjanna. Þeir eru ekki marg-
ir, sem búið hafa í fimrn áratugi óslitið og aldrei skort
hey, en fyrnt milli vetra í hvaða veður, sem gekk á
vori. En tíminn svo upptekinn, að sezt var kúgaþreytt-
ur við kvöldskriftir til að ljúka hinum ýmsu reiknings-
gerðum og skilagreinum í þágu sveitar eða stéttar. Það
er ekki aðeins forsjálni hyggindamannsins, sem hér býr
að baki, en hugmyndakerfi ábyrgðartilfinningar hins
þroskaða gáfumanns.
Hinum fíngerða skólapilti hefur verið þungur dóm-
ur, að þurfa að hverfa frá langskólanámi og auðunnum
embættisframa. En hann var bráður til þroska og skynj-
aði frá upphafi fullkomið líf, en ekki aðeins veg til
lífsframfæris, í erfiði bóndans. Þess vegna stendur hann
nú sjötugur á Þorvaldsstaða hlaði betur búinn andleg-
um þroska og með ríkulegri fjársjóð til ellinnar, en
nokkru sinni gat hlotnazt honum undir lífshætti æsku-
draumanna.
í nafninu Fljótsdalshérað felst bæði hið víðáttumikla,
fjölbreytta land og mannlífið, margþætt, sem þar er
lifað. Bundið sérkennum hverrar sveitar, heimilisandan-
um á hverjum bæ. Heild alls þessa, hinna tíu hreppa,
sýsluhlutanna beggja, rekstri félagssamtaka og þjónustu,
á svipmót sitt undir því hverjir falla þar til starfa.
Djarfar áætlanir hafa íklæðzt raun og veru og verkin
talað rnáli fagurra hugsjóna og borið vitni mikils höfð-
ingsskapar.
Friðrik á Þorvaldsstöðum hefur svarað áleitinni
menningarsamvinnu Héraðsbúa fyrir Skriðdæli. Þeir
hafa orðið forystusveit í menningu af því að þeir hafa
átt þennan forystumann. Hlutur þeirra góður í hinu
mikla átaki, sem Héraðsheimilið Valaskjálf er, og hvergi
legið eftir í erfiðari verkefnum eins og Barnaskólanum
á Hallormsstað, einnig sameign margra sveita. En þetta
eru gjafir hugsjónamannanna, sem valizt hafa í trún-
aðarstöður í sveit sinni og félagi, til framtíðarinnar á
Fljótsdalshéraði.
Heima er bezt 263