Heima er bezt - 01.11.1973, Side 7

Fjölskyldan á Óslandi. Jón Guðmundsson og Þóra Kristjánsdóttir með börnum sínum.
ekki er það gera að ástæðulausu, heldur er þá maðurinn
talinn fær til starfans. Síður en svo hefir Kristján tranað
sér fram til starfa því að maðurinn er hlédrægur.
Ég hefi oft tekið eftir því hve hann er samgróinn
sveit sinni, ekta Skagfirðingur þó vinarhug beri hann
mikinn til frænda sinna í Þingeyjarsýslu og reki ættir
sínar austur yfir fjöll.
Afkomendur Óslandshjónanna eru:
1. Margrét, f. 7. ágúst 1933, gift Snorra Jónssyni
mjólkurbílstjóra í Hofshreppi. Þau eiga 6 börn á
lífi.
2. Þóra, f. 11. september 1936, gift Jón Guðmunds-
syni oddvita og bónda á Óslandi í Hofshreppi.
Þau eiga 7 börn.
3. Jón, f. 11. júní 1942, innkaupastjóri við Kaupfélag
Héraðsbúa á Egilsstöðum. Giftur Margréti Ein-
arsdóttur frá Egilsstöðum. Þau eiga tvö börn.
4. Svava, f. 9. júní 1949, gift Pétri Jónssyni trésmið
frá Skeljabrekku í Borgarfirði. Þau eiga eitt barn.
5. Þórir Friðriksson, systursonur Kristjáns, trésmið-
ur í Reykjavík, kvæntur Þórdísi Þorbergsdóttur.
Þórir ólst upp á Óslandi til fermingaraldurs.
Börnin frá Óslandi eru að allra dómi ágætt fólk og
góðir þjóðfélagsþegnar. Sambandið er mjög gott á
milli þeirra og föðursins sem nú er sígandi að færast í þá
aðstöðu að njóta ávaxta sinna starfa í skjóh barna sinna
og barnabarna.
Það er fagurt að standa á Óslandshlaði og horfa um
Skagafjörð, jörðin sjálf er góðbýli — staðsett í góðri
sveit sem senn er að verða samræktuð, nábýh hefir
verið þar gott, þó nokkuð sé þar þröngbýlt, en í um
50 ár hefir Kristján átt sinn starfsdag í Óslandshlíð enda
mun hann þar best una.
Svava Kristjánsdóttir og Pétur Jónsson. Brúðkaupsmynd.
Heima er bezt 383