Æskan - 01.01.1963, Page 26

ÆSKAN
standa á afturfótunum, en tókst það bara
alls ekki. Það reyndi aftur og aftur, en
mistókst það alltaf. Mamman var fyrir
löngu farin að kroppa, þegar litla lambið
hætti loksins þessum tilraunum sínum að
standa eins og „mannalömbin“. Þá var litla
lambið orðið þreytt og lagðist niður. Innan
skamms var það steinsofnað.
5. Það var orðið áliðið dags og sólin að
hníga til viðar, þegar litla lambið vaknaði.
Því var hrollkalt og kallaði aumkunarlega
tii mömmu sinnar. Hún svaraði undir eins,
og sagði litla lambinu að koma. Það reis á
fætur og teygði úr sér. Svo hristi það sig
og skjögraði til mömmu sinnar. Það flýtti
sér að fá sér mjólkursopa. Mikil lifandis
ósköp þótti litla lambinu gott að fá volga
mjólkina! Það dillaði litlu rófunni í mesta
ákafa, vegna eintómrar gleði og sælutil-
finningar. Þegar það var búið að fá nægju
sína, þakkaði það mömmu sinni fyrir. Svo
fór það að horfa í kringum sig. Lengi starði
það á mömmu sína og svo á hinar kind-
urnar, sem voru stutt frá henni. Allt í einu
sneri það sér að mömmu sinni og sagði:
„Mamma, hvað er þetta, sem er þarna á
þér - á því, sem þú kallar höfuð?“
Happaseðill Æskunnar.
Dráttur hefur larið Iram í Happaseðli Æsk-
unnar. Þessi númer komu upp: 54. Flugferð á
leiðurn Flugtelags íslands hér innanlands. 827.
Tíu af útgáfubókum Æskunnar, eftir eigin vali.
682. Innskotsborð. 508. Tíu af útgáfubókum Æsk-
unnar, eftir eigin vali. 106. Pennasett. 397. Ævin-
týrið um Albert Schweitzer. 743. Aflraunakerfi
Atlas. 86. Eins árs áskrift að Æskunni. 910. Fimm
af útgáfubókum Æskunnar, eftir eigin vali. 447.
Ævintýrið um Edison. 229. Fimm af útgáfubók-
um Æskunnar, eftir eigin vali. 127. Eins árs
áskrift að Æskunni.
Þeir af kaupendum blaðsins, sem eiga Happa-
seðla Æskunnar með þessum númerum, þurfa að
senda þá með fullu nafni og heimilisfangi til
afgreiðslu blaðsins, Kirkjutorgi 4, pósthólf 14,
Reykjavík.
„Ég skil ekki almennilega hvað þú átt
við. En ef til vill hefi ég ekki hlustað nógu
vel eftir því, sem þú varst að segja,“ svar-
aði mamman.
„Hvað er þetta, sem er út úr höfðinu á
þér, mamma, en er ekki á kindinni þarna?“
„Já, nú skil ég, hvað þú. átt við. Það eru
horn. En hin kindin, sem ekki hefir horn,
er kölluð kollótt. Mér þykir miklu fallegra
að hafa horn,“ sagði mamman.
„Það þykir mér líka, mamma mín. En
ég hef bara engin horn. Það þykir mér
leiðinlegt,“ sagði litla lambið.
„Komdu hingað til mín og lofaðu mér
að sjá,“ sagði mamman.
24