Æskan - 01.01.1982, Blaðsíða 6

ÆSKAN
83ÁRA

Ármann segir börnunum
sögu. Myndin er tekin í
skólasafni Hlíðaskólans
í desember 1981. Ljós-
mynd: Hjörtur og Snorri,
nem. í vali í Ijósmyndun
við sama skóla.
Getið góðrar bókar
Ármann Kr. Einarsson, hinn afkastamikli, vin-
sæli og víðkunni barnabókahöfundur, hefur nú
sent frá sér enn eina barna- og unglingabók sem
ég tel hiklaust í röð hans bestu bóka — ef ekki þá
bestu. Á vissan hátt hefur hún líka algjöra sérstöðu
meðal bóka hans. Grunntónn hennar er ÁFENG-
ISVANDAMÁLIÐ sem Ármann hefur ekki fyrr tekið
til meðferðar í barnabókum sínum. En eins og allir
hugsandi menn vita er það víða óskaplegt fjöl-
skylduvandamál, — fjölskylduböl, — áreiðanlega
miklu víðtækara en flesta grunar. Menn hafa til
skamms tíma harla lítið hugsað um hve drykkju-
skapur foreldra veldur börnunum miklu og marg-
víslegu böli.
Mér finnst saga skáldsins rísa langhæst í lýs-
ingum hans á sálarlífi og viðhorfum Simma litla, 11
ára gáfaðs drengs, syni hjónanna, ást hans á föður
sínum, þrátt fyrir þennan mikla brest hans, hug-
sjónum hans og óskaplegum áhyggjum vegna
ósamkomulags foreldranna. Þetta gerir höfundur af
næmum skilningi og mikilli snilli — og ég man
ekki eftir neinni hliðstæðri umfjöllun um þetta
mikla vandamál í barnabókmenntum okkar.
Það vekur líka mikla athygli að skáldið lætur
móðurina ekki gefast upp þótt hún sé stundum
greinilega búin að missa alla von.
Og sögunni lýkur eins og góðum sögum á að
Ijúka — að allt bendir til að faðirinn sigrist á
drykkjuhneigð sinni og hjónin finni hvort annað á
ný.
Hugleiðingar Simma litla í sögulok eru heillandi
fagrar og hljóta að hrífa hvern þann sem les.
Það fer ekki milli mála að með þessari bók bætir
Ármann enn við orðstír sinn sem úrvals barna-
bókahöfundur. Hún á sannarlega skilið að verða
mikið lesin bæði af börnum og fullorðnum.
IÐUNN gefur bókina út af einstakri prýði. Fal-
legar teikningar eftir Pétur Halldórsson falla vel að
efni sögunnar. Um mál og stíl höfundar þarf ekki
að ræða. Smekkvísi hans og vandvirkni er þjóð-
kunn. En það er harla fágætt að finna hvergi
prentvillu eða einhver mistök í meðferð máls í
stórri bók. En hér hefur þó útgefanda tekist að
leysa þá erfiðu þraut.
Gamall skólastjóri.
Hér birtist 12. kafli bókarinnar, sem nefnist Nýi
bíllinn, og þar segir frá þeim félögum Simma og
Oddi er þeir smíða sér bíl, og fyrstu prufukeyrslu
þeirra.