Æskan - 01.01.1992, Blaðsíða 27

EYJAR
ur ífleiri félögum en Eyjarós, t.d. hjá
Knattspyrnufélaginu Þór. Arnbjörg
og Ragnheiður leika báðar með 3.
flokki; Arnbjörg í stöðu framherja en
Ragnheiður ýmist í stöðu miðju-
manns eða vinstri-tengiliðs. Ingi-
björg æfir hins vegar með 4. flokki
og gætir varnarinnar. Þær hafa allar
tekið þátt í hinu árlega Gull- og silf-
urmóti, einnig Pæjumótinu. 3.
flokknum hafði gengið vel á íslands-
mótinu þegar þetta viðtal var tekið
og áttu þær Arnbjörg og Ragnheið-
ur von á því að Þórarar yrðu þar í
3.-4. sæti.
- Er einhver rígur á milli að-
dáenda Vestmannaeyjalið-
anna, Þórs og Týs?
„Það er aðallega rígur á milli
hinna fullorðnu," svara stúlkurnar
að bragði. „Það eru þeir sem láta
eins og smákrakkar!"
LÍKA í SKÁTUNUM
- OG FIMLEIKUM!
Ekki er enn allt upp talið varðandi
þátttöku stelpnanna í félagsstörfum.
Þær eru einnig skátar. Ragnheiður
Draumbær - húsið sem barnastúkan Eyjarós í Vestmannaeyjum hetur til afnota.
er í flokki sem nefnist „Ruglaðar
radísur", Ingibjörg í „Pöndum" en
Arnbjörg er svo nýbyrjuð að hún
man ekki nafnið á á sínum hópi. Auk
alls þessa æfa Ingibjörg og Arnbjörg
fimleika. Stúlkurnar sitja sannarlega
ekki aðgerðalausar eins og sjá má
af þessu.
- Hver er helsti kosturinn við
að eiga heima í Vestmanna-
eyjum?
„Þetta er lítið samfélag, allir þekkj-
ast og fólkið stendur saman," svara
þær. „Félagsandinn er mjög góður
og mikið gert fyrir unga fólkið. Það
er t.d. lítið um klíkumyndanir í skól-
anum.“
- Fenguð þið eitthvað að
starfa í fyrrasumar?
Ragnheiður: Já, ég vann í fiski og
humri til skiptis. Ég þurfti að byrja
klukkan sex á morgnana og vann til
fimm. Maður vandist því að vakna
svona snemma. En ég var líka sofn-
'uð klukkan 10-11 á kvöldin.
Ingibjörg: Ég varíVinnuskólanum
í mánuð. Það var ágætt.
Arnbjörg: Ég vann í humri og svo
var ég að passa barn í 2 vikur.
- Að sfðustu - af því að þið
eruð Eyjabúar. Borðið þið
lunda?
„Já, það gerum við allar,“ svara
þær næstum einum rómi. „Hann er
mjög góður!"
Við óskum stelpunum góðs
gengis í stúkustarfinu og vonum að
þær og félagar þeirra eigi eftir að
eiga margar ánægjulegar stundir í
Draumbæ.
-E.l.
Æ S K A N 2 7