Æskan - 01.01.1992, Blaðsíða 43

listarskólum í fimm ár; hef verið einka-
ritari, tónlistarfóstra á barnaheimilinu
Grænuborg og leyst af í ýmsum störf-
um. Nú starfa ég sem söngkona!
Hvað þótti þár skemmtilegast
að læra?
Ég held að mér hafi þótt alveg af-
skaplega gaman í skóla og að flestu
sem þar var gert. Framan af skóla-
göngunni hef ég sennilega haft mest
gaman af teikningu og öllu sem henni
tengdist, leikfimi og handavinnu. Mér
fannst líka mjög gaman að semja sög-
ur um ótrúlegustu efni. Ég held að ég
eigi enn þá sögur í stöflum frá því ég
var sjö ára.
Hvað gerðir þú helst í tóm-
stundum á barns- og unglings-
árum?
Ég eyddi miklum tíma í tónlistar-
skólanum. Þar átti ég marga vini. Við
vorum sífellt að æfa eitthvað, bæði á
okkar eigin vegum og skólans. Mér
fannst líka afar gaman að leika mér
úti hvorf sem var um sumar eða vet-
ur.
Varstu í einhverjum félögum?
Hvað líkaði þér best í félags-
starfi?
Ég var í KFUK sem barn og ung-
lingur. - Félagsskapur við skemmtilegt
fólk.
Stundar þú íþróttir?
Ég syndi, hleyp og sprikla þegar
ég er „í stuði“ til þess. Mérfinnst mjög
gaman áskíðum.
Hverjir eru eftirlætisíþrótta-
menn þínir?
Þessa dagana er ég mjög stolt af
íþróttakonu ársins, Ragnheiði Run-
ólfsdóttur sundkonu.
í hvaða hljómsveitum hefur þú
verið?
Grafík, Vinum Dóra, Blúsmönnum
Andreu og Todmobile.
Hvaða tónlist líkar þér best?
Það fer eftir því hvaða dagur er.
Hverjir hafa unnið lengst með
þér við tónlistarflutning?
Þorvaldur Bjarni, Eyþór Arnalds,
Guðmundur Pétursson, Halldór Braga-
son og Kjartan Valdimarsson.
Ertu gift? Áttu börn?
Sambýlismaður minn er Þorvaldur
Bjarni Þorvaldsson. Ég á einn son,
Bjart Guðjónsson.
Hvað þykir þér skemmtilegast
að matreiða?
Rétti sem ég bý til af fingrum fram
með austurlensku ívafi.
En best að borða?
Tælenskan mat á veitingastaðnum
Síam.
Hvaða mat kann Þorvaldur best
að meta?
Hvítlaukslæri að hætti Andreu.
Hvort ykkar eldar oftar?
, Ég.
A hvaða leikurum hefur þú
mest dálæti?
Jeremy Irons, Vanessu Redgrave,
Sigga Sigurjóns, Ladda - og mörg-
umfleiri.
Hefur þú ferðast víða - um
ísland og önnur lönd?
Já, ég hef ferðast mjög víða um ís-
land. Einnig hef ég verið í ísrael, á ítal-
íu, í Noregi, Danmörku, Englandi,
Frakklandi - og er á leiðinni til Sví-
þjóðar.
Hvað þolir þú síst í fari fólks?
Óheiðarleika og mannvonsku.
Hvaða kosti fólks kannt þú best
að meta?
Heiðarleika og náungakærleik.
Hver eru framtíðaráform þfn?
Að halda áfram með það sem ég
er byrjuð á.
Hefur þú einhver spakmæli að
leiðarljósi?
Að láta hverjum degi nægja sína
þjáningu og gera alls ekki í dag það
sem þú getur látið aðra gera fyrir þig
á morgun...
Hvaða ráð viltu gefa krökkum
sem hyggjast feta tónlistar-
brautina?
Bara að byrja strax...
Æ S K A N 4 7