Æskan - 01.01.1992, Blaðsíða 28

HVERNIG STRÁKAR
HUGSA...
KÆRA ÆSKA!
Ég er ánægð með gott blað og þennan þátt.
Ég verð að segja að mér finnst þreytandi hvernig strákar
hugsa. Þeir vilja aiitafkáfa og kyssa. Efmaður vill ekki kyssa
þá fara þeir bara í fýiu.
Og ég er sammála Bart og Emmu um fullorðna fólkið.
Það hugsar bara um sjálft sig.
Lísa Simpson.
FREKT OG
TILLITSLAUST
Kæra, besta Æska!
Fullorðna fólkið er alltof „frekt“.
Svo er það annað: Mér finnst
fólk hér á landi og í öðrum löndum
bókstaflega ekkert tillit taka til
munaðarlausra og fátækra barna.
Þau þarfnast umhyggju og
sjálfsöryggis.
Eru einhver samtök sem taka
að sér fátæk börn?
Sylley.
Svar:
Kæra Sylley!
Mörg félög og samtök hafa
að markmiði að hjálpa fátækum
börnum og styrkja þau til
menntunar. I jólablaði Æskunnar
er sagt frá vinnu við verkefni
Rauða krossins, Föt sem
framlag, og verkefni Hjálpar-
stofnunar kirkjunnar sem unnið
er á Indlandi. Við höfum einnig
lýst starfi SOS-barnaþorpanna
og ABC-hjálparstarfinu. I þess-
um greinum kemur fram að
fjöldi fólks hefur tekið sér
„fósturbarn" eða gerst barna-
þorpsforeldri.Það sendir mánað-
arlega framlag til að kosta
uppeldi og menntun munaðar-
lausra barna.
AÐ KOMA ILLA FRAM
Kæra Æska!
Mér finnst sumir krakkar ofmeta
sjálfa sig og láta það bitna á öðrum
sem eru þeim ekkert síðri. Ég á við
þetta:
Einhver sem maður þekkir er
nýbúinn að fá nýja peysu og segir
þá:
„Sjáðu hvað ég var að fá fallega
peysu!“
Og bætir við:
,Af hverju fær þú þér aldrei nýja
peysu?“
- jafnvel þótt maður sé í nýrri.
Við krakka, sem láta svona, vil
ég segja:
„Þið þurfið ekki að slökkva á
kerti krakkans við hliðina á ykkur
til þess að ykkar Ijós skíni betur.“
Við krakka, sem lenda í þessu,
segi ég:
„Missið ekki vonina."
Vongóð.
ÖMURLEG OG
GAMALDAGS
Æskufólk!
Mig langartil að kvarta yfir
því hvað þið eruð stundum
ömurleg og gamaldags í
tilsvörum. Þegar
krakkar og unglingar eru að senda
vísur í Æskupóstinn svarið þið t.d.
oft á þessa leið: Vísan var
ágætlega rímuð og falleg en á
íslandi eru gerðar kröfur um stuðla
og höfuðstafi (hvað sem það nú
er). Haldið þið virkilega að krakkar,
sem eru að yrkja, pæli í því? Ég
held að fæstir viti hvað stuðlar eru.
í framhaldi af því vil ég að þið
reynið að skilja hvernig unglingar
hugsa og veljið efnið með tilliti til
þess. Stundum mætti halda að
blaðið væri ætlað aldurshópnum
50-70 ára.
Monsa.
Svar:
Kæra Monsa!
Ég renndi augum yfir
Æskupóstinn síðastliðin fjögur
ár til acI rifja upp hvað sagt hefur
verið um Ijóð og vísur.
Langflestar vísur hafa verið
birtarán athugasemda en í 5. tbl.
1990 sá ég svar sem er líkt
orðað og þú nefnir. Þó ekki eins.
í tveimur af þessum fjörutíu
tölublöðum hef ég nefnt hvernig
breyta má vísu til að bragreglum
sé fylgt, í einu hef ég tekið fram
að vísu hafi verið ofurlítið breytt
til þess að hún væri í réttum
hljóðstöfum (af því að hún var
nánast alveg rétt ort).
Bragfræði hefur löngum
verið kennd í skólum. En líklega
hafa fáir lesendur blaðsins
fengið þá fræðslu. Okkur hefur
þótt rétt að nefna að bragreglur
eru til og einu sinni hef ég
leiðbeint um vísnagerð í fáum
orðum (- 7. tbl. 1988, bls. 6). Rím
er hluti bragreglna og flestar
vísur, sem við fáum sendar, eru
rimaðar.
Ég er alveg sammála þér um
að gæta ber þess að særa ekki
þann sem svarað er. Það vil ég
allra síst gera. Vísurnar, sem
birtust í 5. tbl. 1990, voru frá
telpu sem átti heima í Noregi.
Mér fannst hún yrkja góðar vísur
að þeim hætti sem þar er gert.
Það tók ég fram. En jafnframt
vildi ég minna lesendur á
stuðlana sem eru einkenni
íslensku stökunnar. Ég vona að
hún hafi ekki misskilið það.
Svarið var þannig:
„Þakka þér fyrir vísurnar!
Þær eru liprar og rétt rímaðar. í
Noregi nægir það til að vísa
kallist rétt kveðin. Á íslandi eru
einnig gerðar kröfur um stuðla
eins og áður hefur verið minnt
á.“
Efni Æskunnar er að miklu
leyti valið eftir ábendingum
lesenda. Ótal bréf bera vitni um
að lesendur eru ánægðir með
efnið. Nokkur bréf sýna okkur
hins vegar að sendanda mislíkar
eitthvað. Við reynum að bæta úr
þvi ef hann bendir á ákveðin
atriði og okkur finnst hann færa
rök fyrir máli sínu. Það berum
við gjarna undir börn og
unglinga.
Þökk fyrir bréfin! Munið að undirrita þau með réttu nafni.
Við birtum dulnefni sé þess óskað.
FINNST...
ég tel... ég vil...
2 8 Æ S K A N