Æskan - 01.08.1994, Qupperneq 50

AÐDÁENDUM SVARAD
INGVAR SIGURÐSSON LEIKARI
ÉG ÁTTI LEYNIFÉLAGA...
Af hverju gerðist þú leikari?
Eftir miklar vangaveltur komst ég að
því að í leiklistinni væri hæfileikum
mínum kannski best varið.
Hvað fannst þér erfiðast í
leiklistarnáminu?
Skylmingar.
Tókstu þátt í leiksýningum sem
barn eða unglingur - í skóla eða
félagsstarfi utan hans? Fórstu þá á
leiklistarnámskeið?
í tíu ára bekk lék ég varðmann og
þegar ég var 15 ára var ég í leikrænni
tjáningu hjá kennara mínum,
Guðmundi Þórhallssyni.
Hvaða hlutverk sem þú hefur farið
með er þér eftirminnilegast?
Drengurinn í Stund gaupunnar eftir
Per Olof Enquist.
Áttu eitthvert draumahlutverk?
Öll hlutverk geta orðið drauma-
hlutverk.
Varstu í leynifélagi?
Nei, en ég átti leynifélaga. Ég á við
að hann leyndist öðrum því að enginn
sá hann nema ég.
Hvað um prakkarastrik?
Ég var ávallt prúður.
Hvaða atvik, sem gerðist þegar
þú varst á barnsaldri, þótti þér
ánægjulegast?
Þegar Halldór bróðir nuddaði á mér
loppnar tærnar.
Hvað fannst þér skemmtilegast á
grunnskólaárum þínum?
Að tefla við afa, hlusta á Tom Jones
og lesa Tinna-bækur.
Lærðir þú á hljóðfæri?
Ég lærði á orgel með fótbassa
hálfan vetur og einu sinni fékk ég
trommusett í kaup og fjögurra tíma
kennslu hjá sjálfum Guðmundi
Steingrímssyni.
Varstu í hljómsveit?
Ég var í nokkrum mjög lítt þekktum
hljómsveitum. Ein þeirra varð þó
„upphitunar“hljómsveit hjá ýmsum
öðrum. - Ég lék þá á trommur og
orgel.
Hvar og hvenær ertu fæddur?
Á fæðingardeild Landspítalans í
Reykjavík 22. nóvember 1963.
Hvar ólstu upp?
í Bústaðahverfinu í Reykjavík en var
í sveit á unglingsárum að Staðarbakka
í Miðfirði í Vestur-Húnavatnssýslu.
Hvaða leikir þóttu þér
skemmtilegastir í „gamla daga“?
Brennibolti og leikur að „tin“dátum
úr plasti.
Var systkinahópurinn stór?
Við erum sex systkinin og ég er
langyngstur.
Hver voru helstu áhugamál í
hópnum?
Að níðast á mér!
Hvaða bækur fannst þér
skemmtilegastar sem barn/-
unglingur?
Tinna-bækurnar og Frumbyggja-
bækurnar. Þær voru um landnema í
Ameríku.
Hvaða matur finnst þér bestur?
íslenskt lambakjöt.
Eldar þú einhvern tíma sjálfur?
Já, oft.
Ertu kvæntur?
Já, Eddu Arnljótsdóttur leikkonu.
Eigið þið börn?
Áslák þriggja ára og Snæfríði
tveggja ára.
Hver er besti brandari sem þú
hefur heyrt?
Ég er búinn að „gleymonum"!
Hvert er eftirlætis-spakmæli þitt?
Árinni kennir illur ræðari.
Hvað eiga krakkar, sem langar að
gerast leikarar, að hafa í huga?
Að staldra við, skoða allt og hlusta á
allt.
Á leið á
á svið I söngleiknum Hárinu...
■■ °ff farðaður sem persónan.
5 0 Æ S K A N