Almanak Ólafs S. Thorgeirssonar - 01.01.1933, Síða 116

114
hægt er að segja að liöið hafi skort. Langflestir hafa veriö
sæmilega staddir, verið bjargálnamenn, sem kallað er.
Hafa haft nægilegt fyrir sig og sína, en orðið að vera spar-
samir og hygnir, til þess að alt mætti vel fara. I seinni
tíð, alt að kreppunni alræmdu, má þó segja, að þetta hafi
verio alment betra en hér er sagt. Og það er spursmál,
hvort ekki mætti með sanni heimfæra hin frægu ummæli
Jónasar Hallgrímssonar um velgengni íslenzkra bænda í
fornöld, í kvæðinu “ísland! farsælda frón”, upp á vel-
gengni íslenzkra bænda í Nýja Islandi, þegar bezt lét hér:
“Þá komu feðurnir frægu
og- frjálsræðis hetjurnar góðu
austan um hyldýpis haf
hingað í sælunnar reit;
reistu sér bygðir og bú
í blómguðu dalanna skauti;
ukust að íþrótt og frægð
og undu svo glaðir við sitt."
Dalirnir eru að vísu ekki með sama hætti hér eins og
á Islandi. En blómlegu búin, ánægjulegu heimilin, far-
sældin og nægjusemin, getur alt verið mjög svipað og þá var
til forna. Má enda vera að lýsingin eigi betur við vora
tið. Mönnum hættir svo mjög við að sjá ekki fyllilega á-
gæti samtíðarinnar, en sjá þeim mun betur kosti hins
liðna tíma. —
Samtök bænda til þjóðþrifa, eru ekki ný. Þó getur
maður naumast sagt, að þau eigi sér langa sögu. Fremur
má segja, að þau heyri til hinni nýju tíð, þeirri tíð i sögu
þjóðanna, er néfna má viðreisnartímabil í hugsun og at-
höfnum hinna mörgu í þjóðfélaginu. Er nútíðar saga hverr-
ar þjóðar fyrir sig, þar sem fólk er annars vaknað, mjög
svipuð að því er þetta snertir.
Rjómabúið í Arborg er rétt að verða 25 ára gamalt.
Elztu skjöl, er lúta að stofnun þess, eru dagsett þann 25.
apríl og 4. mai 1907. Næsta skjál, er hefir meðferðis
nöfn og hlutatölu þeirra er félagið stofna, er dagsett 14.
júní s. á. Settur skrifari félagsins, Björn I. Sigvaldason,
nú oddviti Bifröstsveitar, en þá ungur skólakennari, legg-
ur skjal þetta fram til eiðfestu, hjá Gunnsteini sál. Eyjólfs-
syni, er dagsetur vottorð sitt um eiðfestuna þann 14.
júní, en Björn skrifar undir sem vitni. Vottorð fylkisritara,
um að stjórnardeild sín hafi veitt stofnskjölum félagsins
móttöku, er dagsett þann 4. júlí 1907. Má þá segja, að
þar með sé félagið fyllilega myndað og geti löglega tek-
ið til starfa.
Eftir því sem eg kemst næst, eru það 44 manns, sem
félagið stofna. Nöfnin eru þessi: