Heimilisvinurinn - 01.05.1906, Side 63

HEIMILISVINURINN
63
mikla hreyfingu, að Chundra Lela, þessi útlenda
kona, bjó í húsi þeirra og breiddi út þaðan þessa
rnerkilegu kenningu um allan bæinn. Bramaprest-
arnir vóru alveg vitstola af gremju og réðust á
Chundra Lela með illyrðum, þegar hún var að
prédika á sölutorginu; kölluðu þeir hana „kristnu
kjötætuna" og „afhrak veraldar". En hún svaraði:
„Viljið þér þá segja, að það sé eingöngu
kristnir menn, sem éta kjöt? Munið þér ekki, hvað
stendur skrifað í helgibókunum yðar, að guðirnir
skipuðu einu sinni Bramaprestum að fórna uxum,
af því að þessi fórn og engin önnur myndi geta
mýkt reiði eins af guðunum, og forða mönnum
frá hefnd hans. Bramaprestarnir skipuðu hvor
öðrum að éta fórnarkjötið og svo gjörðu þeir.
Bramaprestar hafa því étið kjöt fórnardýra og ekki
verið útskúfað að heldur, hvers vegna mega kristnir
menn þá ekki éta það?“
Þeir fundu, að þeir gátu ekki lengur gripið
til þessara vopna og gengu burt, og mannfjöldinn
sendi þeim kveðjur, glaður yflr sigri hennar; en
Bhundra Lela hélt áfram að prédika og enginn
tók fram í fyrir henni eftir það. Þegar hún kom
heim aftur úr förinni til að hvíla sig dálítið hjá
oss hinum, þá sýndi hún oss ábreiðu, sem trúboði
hafði gefið henni. „Sjáið þér“, sagði hún um leið
°g hún lyfti henni upp, „hvernig vinir mínir gjöra
mér erfitt fyrir. Hvernig getur flakkandi meinlæt-
ingakona dregið aunað eins hlass á eftir sér?“