Heimilisblaðið - 01.12.1965, Blaðsíða 2

Maríumyndin í Briigge
LÍTT ÞEKKT ÆSKUVERK
MICHELANGELOS
Um þær mundir, sem Michel-
angelo gerði hina frægu
Daviðsmynd sína, var einnig
gerð í Flórens Maríumynd fyrir-
ir borgina Briigge í Belgíu. —
Belgískur kaupmaður, sem átti
verzlunarhús i Flórens og Róm,
á að hafa keypt hana fyrir
100 dúkata.
Michelangelo var sonur smá-
kaupmanns i Flórens. Hann
nam á æskualdri i skóla Do-
menicos Ghirlandajo, stundaði
íramhaldsnám í myndhöggvara-
list i skóla Lorenzos Magnifico
og hélt síðan, þá 21 árs að
aldri, til Rómaborgar, sem þá
taldist forystuborg Italíu, hvað
listir snerti. Eftir það var hann
aðeins skamma hríð í fæðing-
arborg sinni, þar sem hann
gerði Daviðsmyndina og Maríu-
myndina fyrir Brúgge, og teikn-
aði auk þess hermannsmynd,
sem var uppkast að hliðstæðu
við verk Leonardos. — Maríu-
mynd þessi er gerð á árabil-
inu 1501—1503, og það er vafa-
laust á veikum rökum byggt,
að bækur um listasögu geta
hennar sem vafaatriðis. — Al-
brecht Dúrer getur árið 1521
í ferðabók sinni frá Hollandi
hinnar hvítu marmarastyttu af
Guðsmóður í Brúgge. — Þótt
rannsóknir síðari tíma telji
nokkurn vafa leika á um höíund hennar, var
Dúrer sannfærður um að hún væri eftir Buonar-
roti. Frakkinn David d’Angers og þýzki listfræð-
ingurinn Wölfflin geta þess til, að einhver að-
stoðarmaður Michelangelos kunni að hafa unnið
að styttunni með honum. En sé Maríustyttan í
Brúgge borin saman við hina fræku mynd ,,Pieta“,
sem listamaðurinn gerði 1498—1500 fyrir Péturs-
kirkjuna, samkvæmt pöntun kardinála eins í
Frakldandi, ætti mönnum ekki að dyljast hand-
bragð Michelangelos, því að t. d. eru höfuð stytt-
anna það lík hvort öðru, að ekki getur aðeins
verið um sömu fyrirmynd að ræða, heldur einnig
sama listamann. Að sjáifsögðu getur verið um
að ræða viss frábrigði í verkum Michelangelos,
sem á æskualdri hafði enn tamið sér fastan stíl,
heldur átti til ótrúlegan fjölbreytileika. En um
það verður ekki villzt, að sterk klassik áhrif ein-
kenna bæði þessi verk, tignarlegur virðuleiki og
fegurð kvenmyndanna, göfgi andlitsdráttanna, ró-
semin í svipnum. Allt bendir þetta til þeirra áhrifa,
sem Michelangelo varð fyrir á æskualdri og koma
fram í fyrri verkum hans; það voru áhrifin frá
Donatello og meisturum fornaldarinnar.
Heimilisbla&ið
kemur út annan hvern
mánuð, tvö tölublöð
saman, 44 bls. Verð árgangsins er kr. 50.00. I lausa-
sölu kostar hvert blað kr. 10.00. Gjalddagi er 5.
júní. - Utanáskrift: Heimilisblaðið, Bergstaðastræti
27. Sími 36398. Pósthólf 304. — Prentsm. Leiftur.
Nýir áskrifcndiir fá cldri árgang •
kaupbæti, cf iiorgnn fylgir pöntun.
--- fJtanáskrift cr: Heiniilishlaðið,
Bcrgstaðastræti 27, pósthólf 304,
Rcykjavík. Síacsi 36308.