Iðunn : nýr flokkur - 01.04.1926, Blaðsíða 70

148
Tryggvi Sveinbjörnsson:
ÍÐUNN
Hin sístarfandi skrifstofa. Skrifstofan ber þetta
nafn af því hún starfar alt árið að því að undirbúa
málin undir umræður í ráðinu eða ársþinginu og af-
greiða þau að umræðunum loknum. Það eru yfir 400
manns á skrifstofunni. Það má því nærri geta, að kostn-
aður við Alþjóðabandalagið er gífurlegur. Danmörk
greiðir t. d. 296,000 svissneska gullfranka þetta ár.
Fasti dómstóllinn. í honum eiga sæti 11 dómarar
og 4 varadómarar. Þeir eru kosnir til 9 ára í senn af
ársþinginu og ráðinu í sameiningu. Hvert ríki má ekki
hafa meira en 1 dómara í stólnum. Hvaða ríki sem er,
getur skotið málum til dómstólsins, jafnvel menn og
ríki utan bandalagsins. Þegar svo er ástatt, verða hlutað-
eigendur að gefa yfirlýsingu um, að hlýðnast þeim út-
skurði, sem dómstóllinn fellir í málinu, og greiða máls-
kostnað. Þessi dómstóll bandalagsins stendur ekki í sam-
bandi við gamla Haagdómstólinn, enda þótt hann hafi
aðsetur sitt á sama stað.
Verklegar (tekniskar) aðstoðardeildir. Þessar
deildir eru sístarfandi og eru háðar eftirliti ráðsins og
ársþingsins. Tilgangur þeirra er sá, að undirbúa og
koma með tillögur um breytingar og framfarir í alþjóða-
löggjöf um ýms alþjóðamál. Deildir þessar hafa unnið
geysimikið og þarft starf á ýmsum sviðum, bæði að
því er verklegar og andlegar framfarir snertir, enda hef-
ir ársþingið samþykt og fjöldi ríkja hefir fullgilt margar
af tillögum nefndanna, og notfært sjer ráðleggingar þeirra.
Mentamáladeild, var stofnuð í ágúst 1922 sam-
kvæmt ályktun 2. ársþings. Tilgangur deildarinnar er að
stuðla að því, að listir og vísindi breiðist frá einu landi
til annars og efla samtök milli vísindamanna, rithöfunda
og listamanna í ýmsum löndum. Formaður deildarinnar
er hinn viðfrægi heimspekingur Henrí Bergson.