Iðunn : nýr flokkur - 01.04.1926, Side 82

160
Tr. Sveinbiörnss: Alþjóðabandalagið.
ÍÐUNN
stofnun, líklega merkilegasta stofnunin í sögunni, sje lýtá-
laus eftir svo skamman tíma.
Bregðist vonir manna, verði mistilteini haturs og
skammsýnnar sjálfselsku skotið á Alþjóðabandalagið og
það hljóti bana, mun skamt að bíða Ragnarökkurs
menningar Vesturheims. Nái það þeim þroska, sem stefnt
er að, þá á brotabrot úr drauminum um þúsundáraríkið
eftir að rætast.
Tryggvi Sveinbjörnsson.
Aths. ritstj. Grein þessi var pöntuð löngu áður en útgefenda-
skifti urðu og ætlað rúm í þessu hefti.
Fífillinn.
Hann vissi það ekki sjálfur, fífillinn litli, sem var að
springa út, sunnan undir vallargarðinum á Felli, að hann
var fyrsti fífillinn, sem sprakk út það vorið þar í sveit.
— Þið gætið þess, að eg geri ráð fyrir að hann hafi
getað hugsað, eins og annað líf, sem sál hefir. Því eg
trúi því ekki að neitt sé sálarlaust í heimi þessum, sem
þráir ljós og yl. Og ekkert þráir það frekar en blómin. —
Fyrst kom brekka, dálítil ávöl grasbrekka og svo gró-
inn túngarðurinn. En það var sunnan undir þessum tún-
garði sem hann var að fæðast, litli fífillinn, sem átti að
verða fyrstur til að fæðast það vorið, og — fyrstur til
að deyja.