Iðunn : nýr flokkur - 01.04.1926, Page 86

Tilkynning.
IÐUNN
Lesendum Iðunnar verð eg nú að færa þá fregn, að
eg hefi selt tímaritið, og læt því af ritstjórn þess og
afgreiðslu. Veldur því eingöngu annríki, sem gerir það
að verkum, að eg treysti mér ekki til þess að láta Ið-
unni fá svo mikið af starfstíma mínum eins og þarf,
til þess að rækja hana að maklegleikum. Þakka eg öll-
um kaupendum og stuðningsmönnum Iðunnar fyrir
ágæta samvinnu. Þeim hefir stöðugt fjölgað þessi rúm
2 ár, sem eg fór með tímaritið, og vil eg að lokum
láta í Ijósi þá ósk mína, að þeir haldi sömu trygð við
Iðunni áfram þó að hún færist nú yfir á nýjar hendur.
Reykjavík í júní 1926.
Magnús Jónsson.
Eins og sjá má af ofanrituðu eru orðin útgefanda-
skifti að Iðunni. Vonum við að allir gamlir vinir hennar
og viðskiftamenn haldi trygð við hana eftir sem áður,
og að henni megi auðnast að vinna marga nýja.
Tímaritinu verður haldið í svipuðu horfi og verið
hefir. Er því ætlað að vera til fróðleiks og skemtunar
fyrir alþjóð. Gestrisni vill Iðunn sýna öllum, sem bera
fyrir brjósti eitthvað það er máli skiftir, án tillits til
skoðana. Mun og verða leitast við eftir föngum, að gefa
lesendunum kost á að kynnast þeim straumum og stefn-
um í samtíðinni, er heimta athygli hugsandi manna —
hvort heldur er á sviði vísinda. bókmenta eða almennra
velferðarmála.
Flestir hinna góðkunnu stuðningsmanna Iðunnar hafa
þegar heitið henni liðsinni framvegis. Fleiri munu og
bætast í hópinn. Uonum við að okkur takist að gera
hana svo úr garði, að kaupendur megi vel við una. —
Oskum við svo velvildar og heillaríkrar samvinnu allra
góðra manna. Ritct;