Kirkjuritið - 01.10.1939, Qupperneq 58

344
Erlendar fréttir.
Október.
hlutdeild í krafti kristindómsins. Ég vona, að ég hafi engan særl
með þessu, eða að minsta kosti voru þarna góðir vinir Hallesby,
sem þökkuðu mér fyrir ræðuna.
Fyrri part næsta dags gat ég því miður ekki sótt fundinn vegna
funda i Dansk-íslenzku sambandslaganefndinni, en fór lil Hróars-
keldu upp úr hádeginu. Hóf Ljuggren biskup þá umræður um
varanlegt gildi lútersku trúarskoðunarinnar. En síðar talaði pró-
fessor Söe (Kbh.) um ábyrgð vora gagnvart lúterskunni. Voru
nokkurar umræður. En ekki fanst mér iaust við, að ófriðarblikan
setti mark á fundinn. Nokkurir fóru þá þegar lieim til sín.
Um kvöldið var veizla haldin, og ræður fluttar þar yfir borðum.
'i'alaði ég þar nokkur orð af íslands hálfu og lét í ljós þá ósk, að
unt yrði að fá heimsókn svona fríðs hóps af Norðurlandaprestum
til íslands, án þess þó að ég hefði nokkurt umboð til þess af hálfu
Prestafélagsins hér að bjóða til næsta fundar á íslandi.
Ég varð svo eins og áður að fara til Kaupmannahafnar um
kvöldið, og var síðan þar á morgunfundi næsta dag. Og nú hófst
ófriðurinn. Ég símaði til Hróarskeldu og spurði um fundinn, og
frétti þá, að flestir fundarmenn væru farnir. Lítill hópur var eftir
og lauk fundinum með guðsþjónustu i Dómkirkjunni.
Fundurinn lenti þannig i striðsólgunni. Fleiri svipaðir fundir,
sem haldnir voru þessa dagana uppleystust algerlega, því að hver
þurfti að komast heim.
Fundarsetan var mér til hinnar mestu ánægju og kyntist ég þar
ýmsum ágætum mönnum. Ég mætti og hinni mestu vinsemd af
Iiálfu allra. Ég held, að íslendingar séu ekki óvinsælir, hcldur mjög
velkomnir á ýmsa fundi, sem haldnir eru á Norðurlöndum. For-
seti fundarins, Scharling biskup, vildi í öllu sýna fulltrúa íslands
hina mestu sæmd, setti mig sér til hægri handar við borðið og
mátti ekki heyra annað en ég tæki sæti í ,,præsidii“ eða heiðurs-
stjórn fundarins.
Stríðið kemur nú líklega öllu í ólag næstu árin, en annars iiefði
verið ánægjulegt að geta boðið til norræns prestafundar hér á
íslandi áður en langt um líður. Ég býst við, að því boði yrði vel
tekið. Magnús Jónsson.
Aðrar erlendar fréttir birtir Kirkjuritið ekki að þessu sinni,
þar sem því hafa ekki borist nýjustu kirkjublöð né timarit.
Kirkjuritið kemur út 10 sinnum á ári — alla mánuði ársins nema
ágúst og septembermánuð — um 26 arkir alls og kostar kr. 5.00
árgangurinn. Gjalddagi 1. apríl — og 1. okt., ef menn kjósa held-
ur að borga í tvennu lagi. Afgreiðslu og innheimtu annast séra
P. Helgi Hjálmarsson, Hringbraut 144, sími 4776, Reykjavík.