Kirkjuritið - 01.04.1940, Blaðsíða 28

Kirkjuritið - 01.04.1940, Blaðsíða 28
146 Sigurjón Guðjónsson: Apríl. þar hesta keypta, en enginn vildi selja þeim. Beittu þeir þá magni hnefaréttarins og tóku hestana, og urðu bænd- urnir að gera sér það að góðu. Stríð er nú einu sinni stríð. Faðir Niels Dael var bóndi, og var fullorðinn maður, er drengurinn fæddist, sem var yngstur í stórum systkina- hóp. Faðirinn hafði verið í Napóleonsstyrjöldunum, öðl- ast mikla lífsreynslu og kunni frá mörgu að segja, því að hann var fróður og minnugur vel. Móðir Niels hét Sara, góð kona og guðrækin, bjartsýn og hjartahlý, boðin og búin til hjálpar hvar sem var, með djúpa samhygð til allra er áttu bágt, hvort heldur þeir liðu af andlegri eða efnalegri neyð. Minnist Niels hennar með miklum kærleika, og svo segja kunnugir menn, að hann Iiafi erft flesta eiginleika hennar. Drengurinn ólst upp við hver þau störf, er komu fyrir heima, og varð snemma þrekmikill og duglegur til allrar vinnu. Samfara líkamlegu þreki og ósérhlífni við alla strit- vinnu hafði hann ágæta námshæfileika. - - Vildu foreldr- arnir bæði setja hann til menta, en þá greindi á um það, hvað hann ætti að verða. Faðirinn taldi hann hafa kenn- arahæfileika, en móðirin, sem var trúuð kona, vildi láta hann læra til prests og þóttist finna hjá honum ákveðna hæfileika í þá átt. Bæði sáu rétt, því að seinni tíminn hefir sannað það, að Niels Dael varð afbragðs prestur og ágætis kennari i senn. — En sá sem vildi hvorugt var Niels. Hann var að vísu mjög fróðleiksfús, og las ósköpin öll um liilt og þetta, en liann vildi ekki læra til þess að hafa atvinnu af því síðar meir, heldur til þess eins að fræðast. — Hann hafði ekki enn fnndið sjálfan sig, ekki fundið köllun sína. Það varð ekki fyr en löngu síðar. — Það varð því ekkert úr því, að Niels réðist í langskólanám. Hann hafði ýmugust á því, og þóttist af æfisögum margra manna er hann hafði lesið, merkja það, að langskólanámið hefti stundum persónvilegan þroska, — væri í vegi fyrir því, að hinn rétti maður fengi að vaxa upp og njóta sin. Þegar Niels Dael var 18 ára, gekk hann á landbúnaðar-

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.