Sjómannadagsblaðið - 04.06.1961, Side 53
Ég og kokkurinn sögðum það hafa
verið karlmann og kvenmann, sem
teymdu kú, en strákur rak á eftir.
Hinir tveir sögðu að það sem þau
teymdu, hefði verið hestur, en ekki
kú. Ekki gáfum við okkur tíma til
að athuga þetta nánar.
Var nú haldið í einum spreng út
hlíðina og var nú þokan að létta og
sáum við þá skipið koma fyrir
Stráka. Við höfðum því tíma til að
gera ei lítið prakkarastrik.
Utgerðarmaður okkar rak verzl-
un neðarlega við aðalgötuna á Siglu-
firði, og var þá venja að hafa opið
fram undir lágnætti, yfir síldartím-
ann.
Þegar við komum að verzlun hans
ákváðum við að fara þar inn, sem
við gerðum. Við vorum, eins og áð-
ur er sagt mjög fáklæddir, og renn-
blautir frá hvirfli til ilja, svo úr
okkur lak, og að öllu leiti óhrjá-
legir.
Þegar útgerðarmaðurinn sá okk-
ur, þannig á okkur komna, náföln-
aði hann upp og starði á okkur, án
þess að geta nokkuð sagt. Síðan
þrútnaði hann í andliti og stundi
upp.
„Hvar eru hinir, hvað kom fyrir.“?
ir.”
Sáum við nú að hér höfðum við
í athugaleysi leikið ljótan leik.
Enn fljótlega var allt leiðrétt. Ekki
höfðum við tíma til að þiggja góð-
gerðir í búðinni sem voru til reiðu,
þegar allt var upplýst og leiðrétt. Var
nú hlaupið niður á bryggju, og tók-
um við á móti endum frá skipinu,
og var þar mikill fagnaðarfundur.
Játaði skipstjóri tap veðmálsins og
stóð við það, eins og hans var von
og vísa.
Utgerðarmaður bauð nú allri
áhöfn skipsins til verzlunar sinnar,
og gaf á báða bóga, hverjum sem
hafa vildi „Central Maltestrakt” og
kex.
Enginn skal draga það í efa að
þar sem saman voru komnir 17
rnenn,, — sumir þreittir og svangir,
þá hafi veisluföngunum verið gerð
góð skil. G. J.
SJÓMANNADAGSBLAÐIÐ 37