Sjómannadagsblaðið - 01.06.1969, Blaðsíða 37

ÚRSÖGU
SJÓMAN NADAGS
KEFLAVÍKUR
verðarnesinu og hugðumst reyna að ná
vita þar, en það hlaut að verða erfiðleik-
um bundið, þar sem steypiregn var
og særok mikið. Við fórum með gát
og lóðuðum þétt. Hann hægði held-
ur um miðnættið og um eittleytið hafði
vindur gengið til vesturs með krapaélj-
um og óx þó að ekki drægi úr sjónum,
var sjólagið heldur skárra en áður, þar
sem vindur var nú sömu áttar og und-
iraldan. Við héldum áfram að þreifa
okkur áfram til lands í myrkrinu og
hríðinni en Guðmundur Þorlákur var
enginn rati við að taka land og kl. 4
um nóttina náðum við vari undir Ólafs-
víkurenni, höfðum vélina í gangi og
andæfðum fram á akkeriskeðjuna. Strax
og birti af degi um morguninn, héldum
við af stað inn á Ólafsvík til að fá dytt-
að að einu og öðru til bráðabirgða, svo
að hægt væri að sigla skipinu heim, og
eins til að taka vistir því að allur matur
hafði eyðilagzt, þegar sjórinn reið yfir
skipið.
Um hádegi þennan dag fór veðrinu
að slota og þá var strax haldið af stað
til Reykjavíkur. Við höfðum átt eftir
95 lóðir ódregnar, þegar vélin hilaði og
hafði nú skipstjórinn hug á að svipast
um eftir þeim og hafði orði á því, en
mannskapurinn tók dræmt í það. Ekki
er nú samt að vita, hvað skipstjórinn
hefði gert, því að lát var ekkert á hon-
um, en það var farið að bregða birtu
þegar við komum á þær slóðir, sem lín-
unnar var von, og leit því vonlaus.
Lítill kompás var í káetunni og var
stoð að honum. Allur vökvi hafði farið
af stóra kompásnum í loftinu, þegar
hann féll niður, en þó sýndi hann sæmi-
lega rétta stefnu, ef báturinn valt ekki
mikið. Með kvöldinu birti til, svo að
stjörnubjart var og varð okkur að því
mikill styrkur og náðum við landi í
Reykjavík heilir á húfi um miðnættið.
Gert var að skemmdunum og haldið
síðan af stað aftur vestur að leita lóð-
anna og leggja nýjar.
Hugmynd að stofnun skemmti-
nefndar sjómannadagsins mun fyrst
hafa komið fram í Skipstjóra- og
stýrimannafélaginu „Vísir“ í Kefla-
vík, og var á fundi þess samþykkt
tillaga þess efnis að leita eftir sam-
stöðu nokkurra annarra stéttarfé-
laga um að gangast fyrir hátíða-
höldum á sjómannadaginn; en í
Keflavík höfðu áður verið haldnar
sjómannadagsskemmtanir á vegum
Sundlaugar Keflavíkur, en höfðu er
hér var komið legið niðri um 2ja
ára skeið.
Þessu næst sendi „Vísir“ bréf til
Vélstjórafélags Keflavíkur og Njarð-
víkur, Útvegsbændafélags Keflavík-
ur, Verkalýðs- og sjómannafélags
Keflavíkur og Njarðvíkur, með til-
mælum um þátttöku í skemmtinefnd
sjómannadagsins og skyldi hvert fé-
lag nefna til 3 menn til 3ja ára í
nefndina, ásamt 3 mönnum frá
„Vísi“.
Þessi 12 manna nefnd kom svo
saman til fyrsta fundar í apríl 1947,
og hófst þegar handa um undirbún-
ing að hátíðahöldum sjómanndags-
ins og voru verkefni ærin, þar sem
skipuleggja þurfti allt frá grunni;
en svo má segja að furðu vel hafi
tekizt.
Nú leiddi þarna af, að er fram liðu
tímar, safnaðist fé, sem var ágóði
af þessum skemmtunum, og urðu
þá miklar umræður um nýtingu fjár-
ins, og komu fram mörg sjónarmið,
en endanlega var samþykkt að fénu
skyldi varið til byggingar sjómanna-
heimilis í Keflavík.
Þegar lokið var kjörtímabili
nefndarmanna, var aðildarfélögum
tilkynnt það með bréfi, dagsettu 19.
júní 1949, og voru þá einnig sendar
eftirfarandi tillögur:
Heiðursverðlaun Sjómannadagsins í Keflavík 1968 hlutu: Talið frá vinstri: Sigurjón
Jónsson, Karvel Ogmundsson og Sigurður Sigurðsson.
SJÓMANNADAGSBLAÐIÐ 23