Sjómannadagsblaðið - 01.06.1969, Blaðsíða 50

- Verksmiðjutogarar
Framhald af bls. 1.
ávallt orðið sú, að lífsnauðsynlegt væri
að endurnýja þennan atvinnuþátt þjóð-
arinnar, en engin úrræði hafa fundizt
til þess að afla fjármuna til þess.
Farmanna- og fiskimannasamband ís-
lands átti drjúgan þátt í því eftir síðari
heimsstyrjöld, að þáverandi togarafloti
landsmanna, úr sér genginn og gamal-
dags, en sem á styrjaldarárunum hafði
aflað þjóðinni milljóna verðmæta í gjald-
eyri, var endurnýjaður.
Þeir 30 togarar, sem þá voru keyptir,
kostuðu um 2,5—3,0 milljónir króna
hver, og var komið á fót Stofnlánadeild
sjávarútvegsins til kaupa á þeim með
innan við 100 milljón króna fjármagni.
Strax á fyrsta starfsári höfðu flestir
þeirra aflað kaupvirðis síns í framleiðslu
og gjaldeyristekjum, en í starfrækslu allt
til þessa dags, fært þjóðfélaginu milljarða
króna til meðhöndlunar í innanlands-
viðskiptum og viðurværi.
Þegar mesta lægðin var í togaraút-
gerðinni, varð síldveiðin og sá bátafloti,
sem þá var fyrir hendi, með afbragðs
fiskimönnum, til þess að bjarga hundr-
um milljóna verðmæta að landi, til þess
að halda uppi efnahagslífi landsmanna.
En það gerast sveiflur á þeim sviðum
eins og öðrum.
Veiki hlekkurinn í athafnalífi sjávar-
útvegsins eru stjórnmálamennirnir. Þeir
virðast ekki hafa „úðrað ofan af fyrir
sér“ á undangengnum misseristugum, að
það þarf mikið fjármagn til endurnýj-
unar og viðhalds togaraflota landsmanna
og því hefur aldrei verið leyft að safnast
í sjóð útgerðarfélaganna, heldur hafa
þessi atvinnutæki verið notuð sem mjólk-
36 SJÓMANNADAGSBLAÐIÐ
urkýr annarra atvinnuvega og allsherjar
greiðsluþarfa þjóðfélagsins.
Nú hafa félagssamtök F. F. S. f. enn
á ný gengið fram fyrir skjöldu og lagt í
það myndarlegt átak, að beita sér fyrir
félagsmvndun og söfnun hlutafjár til
kaupa á fullkomnum verksmiðjutogara.
Það er varla von að allur almenningur
geri sér strax grein fyrir, hve hér er um
mikilvægt mál að ræða fyrir þjóðfélagið
i heild, en þó hefur þannig viðbrugðið,
að mál þetta hefur fengið mjög góðar
undirtektir, hundruð einstaklinga hafa
þegar gerzt hluthafar með fjárframlagi,
og eitt einstaklingsfyrirtæki svo framsýnt
að leggja fram hálfa milljón króna til
stuðnings þessu átaki.
Þeir sem forgöngu hafa haft í þessu
máli, hafa unnið mikið starf og þakkar-
vert. Samningar liggja fyrir um það á
mjög hagkvæmum kjörum, að íslend-
ingar geti þegar á þessu ári gert kaup á
um 2500 lesta verksmiðjutogara í Pól-
landi. Núverandi ríkisstjórn hefur sýnt
málinu lofsverðan stuðning með ríkis-
ábyrgð á meginhluta kaupverðsins, en
þó er málið ekki að fullu leyst, — það
vantar aðeins um 20 milljón kr. herzlu-
mun til þess að geta nú þegar gengið
frá kaupum á skipinu. Fjárvana félags-
samtök geta engan veginn lagt slíkt af
mörkum, þrátt fyrir dugnað og góðan
vilja. Flér verður að koma til fullnaðar-
stuðningur ríkisins og borgaryfirvalda.
Um slíkt er nú verið að reyna að semja,
og vonandi verða þessir aðilar svo fram-
sýnir að styðja þetta málefni til fulls, svo
að á Sjómannadaginn 1969 rætist þær
vonir, sem svo lengi hafa verið í fæð-
ingu, að endurnýjun djúphafsveiðiskipa
okkar verði að veruleika og að íslenzkur
sjávarútvegur eigi fyrir sér nýtt blóma-
skeið. Halld. J.