Sjómannadagsblaðið - 01.06.1984, Qupperneq 87

Tómas mér hafði hann fengið um borð í togar-
anum Skallagrími frá Bjarna heitnum Sæ-
mundssyni, fiskifræðingi sem venjulega fór tvær
ferðir á vertíðinni með skipi þessu til rannsókna.
Oft stríddi hann okkur, sem skipstjóralærðir
erum, á því að kyndarinn hafi verið eini mað-
urinn sem sýndi starfi Bjarna einhvern áhuga.
Tómas var aðeins tvítugur að aldri er hann setti
fyrstu laxaseiðin í ár. Allt sitt líf úr því stundaði
hann þetta ræktunarstarf víðsvegar um land.
Áhugi hans á auðlegð hafsins við strendur
landsins var mörgum alþingismönnum kunnur,
því árum saman vann hann að fjáröflun til
rannsókna á þessu sviði. Ég líkti Tómasi einu
sinni við bandarísku þjóðsagnapersónuna
Johnny Appeltree. Sá síðarnefndi fór sveit úr
sveit og lagði grundvöll að ræktun eplatrjáa með
sínu brautryðjandastarfi. Tómas fór sveit úr
sveit og ræktaði ár okkar. Fyrir honum var fisk-
eldi og lax- og silungsveiðar sem því fylgdi ekki
bara sport, heldur ræktun auðlegðar, sem
landsmönnum bæri skylda til að sýna meiri
ræktarsemi, óbornum kynslóðum til yndisauka
og hagsældar.
Tómas kvæntist Ingu Sigríði Pálsdóttur frá
Mosvöllum í Önundarfirði þann 8. apríl 1938.
Hún er dóttir Páls Guðmundssonar íshússtjóra á
Hnífsdal og Guðrúnar Sólborgar Jensdóttur.
Tómas og Sigríður eignuðust fjögur mannvæn-
leg börn sem eru: Adolf, tæknifræðingur, hans
kona er Sigrún L. Baldvinsdóttir og eiga þau eitt
barn. Guðjón, hagræðingarráðunautur,
kvæntur Þuríði Gísladóttur og eiga þau þrjú
börn, Valdimar, viðskiptafræðingur og kennari í
V.f. kvæntur önnu Sigríði Zöega og eru þeirra
börn þrjú og yngst er Guðrún Sólborg sem gift er
Sigurði Sumarliðasyni og eiga þau þrjú börn.
Við sem unnum með honum um langt árabil
geymum í huga okkar minningu um góðan fé-
laga og mætan mann, sem lagði sig allan fram
svo hugsjónir hans mættu rætast. Hugsjónir,
sem beindust meðal annars að því að búa öldr-
uðum og þeim sem minna mega sín betra líf, og
að því að gera landið okkar auðugra og betra til
búsetu, en það er í dag.
KRUPS rafmagnsheimilistæki
KRUPS tækni — þægindi
Umboðsmenn:
Jón Jóhannesson & Co. sf.
Sími 15821 — Reykjavík
SJÓMANNADAGSBLAÐIÐ 87