Sjómannadagsblaðið - 01.06.1994, Page 17

SJÓMANNADAGSBLAÐIÐ
15
56 þjónustuíbúðir - besta
þjónusta sem hægt er að veita
„Það eru ekki aðeins byggingar
Hrafnistu sem taka verður tillit til þeg-
ar útsýni er annars vegar, því á svæð-
inu er líka búið að byggja tvö þjón-
ustuhverfi - 56 þjónustuíbúðir svo-
kallaðar. Þeirri byggð verður líka að
reyna að raska sem minnst.
Ur því að ég hef nú minnst á þessi
þjónustuíbúðarhverfi vil ég fara um
þau nokkrum orðum: Það var
skömmu eftir að framkvæmdum við
heimilið lauk að hafist var handa við
hverfið við Boðahlein. Þegar þá var
áætlað að alls yrðu hverfin fjögur eða
fimm og fékkst vilyrði hjá bæjaryfir-
völdum í Garðabæ fyrir landsvæði.
Nú hafa tvö hverfi risið og ekki hef ég
heyrt annað en að íbúunum þar líði vel
og að þeir fá þar góða þjónustu frá
Hrafnistuheimilunum. Þar eins og í
hverfinu við Jökulgrunn í Reykjavík
er vakt allan sólarhringinn sem fólk
getur leitað til og það getur sótt alla
þjónustu sem í boði er á heimilunum.
Slíka þjónustu er erfitt að finna hér á
Reykjavíkursvæðinu.“
900 fermetra sundlaug
„Þá er að segja frá fyrirhuguðum
stærri framkvæmdum við Hrafnistu í
Reykjavík og tel ég fyrst nýja sund-
laug, sem er spennandi verkefni. Hug-
mynd og hönnun á rætur að rekja til
sundlaugarinnar við Hrafnistu í Hafn-
arfirði sem gengið hefur mjög vel.
Þarna er verkefni á ferð sem kosta
mun um 140 milljónir og vonast er til
að verði samstarfsverkefni Reykja-
víkurborgar og Sjómannadagsráðs.
Yrði það fyrsta sameiginlega verkefni
þessara aðila, því til þessa hefur ráðið
ekki leitað til borgarinnar. Frumdrög
liggja fyrir að sundlauginni sem hafa
verið samþykkt í Skipulagsnefnd. Hún
verður 900 fermetrar að stærð og verður
í húsinu hreyfisalur, tækjaleikfimi o.fl.
Möguleikar verða á stækkun svo þama
gæti rúmast alhliða endurhæfing og
sjúkraþjálfun er fram líða stundir.
Lauginni er ætlaður staður milli
Hrafnistu og íbúða aldraðra að Norð-
urbrún 1 sem er í eigu Reykjavíkur-
borgar. Mun hún þjóna íbúum beggja
þessara bygginga og einnig dvalar-
heimilinu Skjóli en alls búa þarna um
600 aldraðir. En það er þó ekki aðeins
þetta fólk sem njóta mun góðs af
sundlauginni, heldur allt hverfið, því
þetta er eitt fjölmennasta hverfi aldr-
aðra í Reykjavík.
Svo ég ræði nokkuð um aðrar stór-
framkvæmdir sem áætlaðar eru í
Reykjavík í framtíðinni vil ég geta um
að búið er að hanna fjölbýlishús með
32 íbúðum og hafa teikningar að því
þegar verið samþykktar. Þetta verður
níu hæða hús og er því ætlaður staður
við Kleppsveg.
Þegar þetta stóra sérbýlishús og
sundlaugin hafa risið verður fullbyggt
á lóðinni í Reykjavík."
Margvíslegar endurbætur
„Það sem búið er að endurbæta á
Hrafnistu í Reykjavík er fjölmargt.
Byrjað var á endurhönnun eldhúss og
þvottahúss og þrjár deildir hafa verið
teknar upp og endurskipulagðar.
Mörgu má bæta við þessa upptalningu
á endurbótunum - setustofu, verslun,
nýrri skrifstofuaðstöðu og nýjum
frysti og kjötvinnslu. Aðstaða starfs-
fólks hefur verið bætt, svo og aðstaða
fyrir læknisþjónustu og endurbætur
gerðar á sjúkra- og iðjuþjálfun og hún
flutt upp í Súðina. Þá er verið er að
vinna að endurbótum á skrifstofu Sjó-
mannadagsráðs. Loks hefur barna-
heimili verið komið á fót.
Næstu umbótaframkvæmdir verða
meðal annars endurbætur á kælum í
eldhúsi, breytingar á inngangi, sem
verið hefur mjög erfiður, bóksafni og
kapellu, svo og matsalnum. Þá geta ný
lög og reglugerðir kallað á dýrar fram-
kvæmdir: A næstu árum mun um 20
milljónum varið í eldvamir vegna nýrra
laga - brunavamarhurðir og veggi.
En starfsemi Sjómannadagsráðs er
víðtæk og aðrar stofnanir þess hafa
ekki farið varhluta af ýmsum umbót-
um. Má telja stækkunina á bíóinu, og
innréttingar á skrifstofum DAS við
Tjarnargötu. Enn framkvæmdirnar
austur í Hraunborgum.“
Kynntist bakgrunninum á
bernskuheimilinu
„Að öllu þessu hef ég unnið og þetta
hefur verið skemmtilegt starf, enda
vel og skynsamlega að öllum undir-
búningi staðið. Ákvarðanatakan hefur
verið markviss og menn ætíð vitað að
hverju þeir voru að ganga.
Eg ólst upp með mönnunum sem á
fyrri árum stóðu að framkvæmdum
Sjómannadagsráðs. Báðir foreldrar
mínir létu að sér kveða í félagsmálum
sjómannastéttarinnar, því meðan
pabbi var formaður Öldunnar var
mamma formaður Kvenfélags Öld-
unnar, svo þessi mál bar mjög á góma.
Umræðurnar um framkvæmdirnar við
Hrafnistu voru gjarna líflegar á æsku-
heimili mínu, og oft stóð styrr um að-
ferðir og gat orðið heitt í kolunum.
Þessu hlaut ég óhjákvæmilega að
fylgjast talsvert með og kom það mér
Þannig verður híbýlaskipan á hverri hœð hjúkrunarheimilisins, en hver hœð mun
rúma 30 vistmenn.