Eimreiðin - 01.01.1971, Blaðsíða 29

SJÓNVARP Á ÍSLANDI
25
höfuðið yfir slíkum hugmyndum og töldu þetta óhugsandi, en okkar
menn voru á annarri skoðun. Nú höfðu þeir sannað með þráðlausa
símanum, að þetta var hægt. Mun auðveldara virtist að koma sjónvarpi
um landið en áður iiafði verið talið.
II
Hinn 22. nóvember 1963 samþykkti ríkisstjórnin loks að hrinda af
stað undirbúningi íslenzks sjónvai'ps. Menntamálaráðherra skipaði
útvarpsráð og útvarpsstjóra í nefnd til að gera nákvæma áætlun um
stofnkostnað sjónvarps, kostnað við hvern áfanga í útbreiðslu þess,
reksturskostnað, svo og um starfsrækslu, senditíma og dagskrárstjórn.
í sjónvarpsnefnd sátu þessir menn: Benedikt Gröndal, formaður,
Vilhjálmur Þ. Gíslason, Sigurður Bjarnason, Þorvaldur Garðar Krist-
jánsson, Þórarinn Þórarinsson og Björn Th. Björnsson. í janúar 1964
bættist í nefndina Þorsteinn Hannesson, en hann hafði þá verið kjör-
inn í útvarpsráð.
Nefnd þessi lagði drög að víðtækri gagnasöfnun og vann mikið starf.
Tæknilegir ráðunautar hennar voru póst- og símamálastjóri og þeir
Sigurður Þorkelsson forstjóri og Sæmundur Óskarsson deildarverkfræð-
ingur, báðir við Landssíma íslands. Var og leitað til margra fleiri aðila,
innan lands og utan.
Sjónvarpsnefndin skilaði skýrslu sinni í marz 1964. Þótt ýmislegt hafi
breytzt er óhætt að segja, að skýrslan hafi verið sú áætlun, sem íslenzkt
sjónvarp var byggt eftir. Hefur í öllum aðalatriðum verið fylgt þeirri
stefnu, sem sjónvarpsnefndin mótaði.
Nefndin byrjaði á því að gera sér grein fyrir því í höfuðdráttum,
hvers konar sjónvarpsdagskrá væri hugsanleg við íslenzkar aðstæður og
innan þess ramma kostnaðar, sem hér hlyti að ráða ríkjum. Voru gerð
drög að dagskrá nokkurra vikna, og má í þeim frumhugmyndum finna
ýmislegt, sem síðar reyndist vera vinsælt og jafnvel sögulegt efni, svo
sem þáttinn Muni og minjar og ýmsa fleiri af íslenzkum þáttum sjón-
varpsins.
Þá voru gerðar áætlanir um stofnkostnað vegna húsnæðis og tækja, en
þar var gert ráð fyrir nokkru þrengri stakk en síðar hefur verið sniðinn,
og þó í aðalatriðum eins. Ennfremur voru gerðar áætlanir um bygg-
ingu sendistöðva og endurvarpsstöðva, og er á því sviði skemmst frá að
segja, að útbreiðsla sjónvarps um landið hefur orðið örari en nefnd-
ina óraði fyrir. Er það sama reynsla og menn liafa öðlazt í flestum
öðrum löndum, en ekki sakar að gera áætlanir með nokkurri varúð hvað
slík atriði snertir.