Eimreiðin - 01.01.1971, Blaðsíða 41

ÍSLANDS HRAFNISTUMENN
37
Verkið hálfnað:
Hann er nú ekki eins jafn
og í síðasta hali, hummm?
Ekkert svar, enda ekkert svar
til.
Það líður að lokum:
Bölvað rusl erðetta. Það liefur
nú aldrei verið svona andskoti
aumt. í sjóinn meðða.
Svo hverfa þeir niður í lúk-
arinn, einn af öðrum, hetjurnar,
humarveiðimennirnir. Fyrstur
fer kokkurinn, tannlaus og gild-
ur eins og ólétt kona; vélstjórinn,
gulur af áragamalli olíu; stýri-
maðurinn, grannur og sveigjan-
legur, útlenzkur maður; annar
vélamaður, með brúnt hár, brún
augu, mórautt lundarfar; skip-
stjórinn, grár í framan og geð-
góður; blókin, langur, skrúfin-
hærður, fölur og rýr. Sex af fs-
lands hrafnistumönnum, haa?
Étiði, segir kokkurinn og fleig-
ir beinakexi á borðið.
Svo er bitið og brotið og sötr-
að kolsvart kaffi.
Ekkert annað með kaffinu,
spyr blókin ólundarlega ofaní
skítugan fantinn.
Ég held aððetta sé nógu gott í
helvítis kjaftinn á ykkur, svarar
kokkurinn og rennir fram hök-
unni, til að missa ekki af fall-
andi sultardropa, nær honum,
smjattar, stendur upp, lagar
kviðinn og slæmir til annarri
hendinni sem lendir inni í skáp
og dregur þaðan fram plastpoka
og fleygir í blókina. Kaffi
skvettist á kexdallinn.
Blókin virðir fyrir sér pokann.
Kremkex, tautar hann og
fleigir honum óáteknum í dall-
inn á borðinu og beinakexið
flæðir yfir borðið.
Af hverju kaupirðu ekki jóla-
köku, kokksi? segir þá annar
vélamaður og horfir brúnum
augum yfir kexið. Kex, kex,
aldrei annað en kex, þetta djöf-
uls ómeti, sem kleprap í kjaftin-
um á manni.
Það er fullgott í andlitið á þér.
Nei.
Jú-
Þú gætir nú haft jólaköku.
Nei.
Af hverju ekki?
Þær eru dýrari.
Dýrari??
Já ég sagði það.
Það getur ekki verið.
Heldurðu að ég vitiða ekki
betur en þú?
Hvernig getur staðið á því að
þær eru dýrari?
Ég get sagt þér hvernig stend-
ur á því.
Nú?
Já, það stendur þannig á því
að . . . . að þær eru dýrari.
Jæja.
Já, og haltu svo kjafti.
Japl, sötur, orðvana áhöfn.
Einn stendur upp, tveir, þrír
hverfa þeir upp úr lúkarnum,
einn til að toga tveir til að sofa.